पोखरालाई नीजि क्षेत्रमा सोप्न खोज्दै महानगर

पोखरा ९ असार–प्रकृतिको सुन्दर सहर पोखराको चारैतिर पहाडले घेरिएको छ । प्रकृतिको मनमोहक दृष्य रहेको पोखराको हरेक क्षेत्रबाट उत्तरमा माछापुच्छु्रे हिमाल, अन्नपूर्ण लगायतका मनोरम हिमाल देख्न सकिन्छ । पोखराको हरेक कुनाकाप्चाबाट हिमाल हेर्न सकिन्छ । तर, पछिल्लो समय बढ्दो शहरीकरणले गर्दा ठुला ठुला व्यवसायिक भवन निमार्णहुन थालेपछि भने सुन्दर शहरबाट हिमाल देखिन छाडेका छन् । महानगरले मापदण्डविपरीत संरचाना खडा गर्न दिदाँ र भएको सुन्दरतालाई किचाल्दै विभिन्न व्यक्तिको प्रभावमा पर्दै पोखराको प्रकृति लामो समयलाई नीजि कम्पनीलाई बेच्न खोजीरहेको छ । चाहे त्यो पातलेछाँगो होस यो सेती गज नै किन नहोस ।

अघिल्लो वर्षसम्म स्मार्ट सिटिको परिकल्पना गरिरहेको महानगरका मेयरले आर्थिक वर्ष २०७८÷२०७९ को नीति तथा कार्यक्रममा भने स्मार्टसिटि भन्ने शब्दनै मेटाउने चलखेल गरिरहेका छन् । राज्य स्थानीय संरचनामा गए पछि भएको स्थानीय निर्वाचनमा चुनावी एजेन्डाको रुपमा रहेको स्मार्ट सिटिको परिकल्पना पदको समयावधि सकिनै लाग्दा भने हटाइएको छ । शहरको विकास र आर्थिक उन्नतीका लागि नीजि क्षेत्रको लगानी अपरिहार्य हो । तर, पोखरामा भने त्यो देखिदैँन । स्वार्थ लिप्त मेयरले लामो समय पोखराको प्रकृतिनै बेच्न खोजेको पाइन्छ भने अर्का तिर घरहरुको मापदण्ड समेत ख्याल गरिदैँन् । पोखरा महानगरको आर्थिक विकास गर्ने वाहानामा महानगरले ठुलो गल्ती गर्दै राज्यलाई कम नीजि क्षेत्रलाई बढि फाइदा हुने किसिमको साझेदारी गर्न लागेको देखिन्छ ।

पोखराको आर्थिक विकास गर्ने हो भने पोखरामा घण्टा घर होइन । आसपासमा रहेको डाडाँहरुमा भ्यू टावर बनाउने परिकल्पना अघि सार्न पर्ने देखिन्छ । पोखरा महानगरले आज आर्थिक वर्ष ०७८÷०७९ को नीति तथा कार्यक्रम सार्वजानिक गर्ने क्रमा अधिकांश वाक्यमा नीजि क्षेत्रलाई दिइने मात्र भनेको सुनियो र योजनामा समेत नीजि क्षेत्रलाई नै बढि प्राथमिकतामा राखेको पाइन्छ । राज्यले नीजि क्षेत्रबाट फाइदा लिने किसिमले साझेदारी गर्ने हो न की नीजि क्षेत्रलाई निश्चित रकम लिएर बाकीँ रकम होत्याउन दिने रु

प्रस्तुत गरिएको नीति तथा कार्यक्रममा भनिएको छ,‘पोखरालाई अन्तर्राष्ट्रिय पर्यटकीय गन्तव्य बनाउन पोखराको पर्यटकीय ब्रान्डिङ र बजारीकरण गरिने छ । पोखरा महानगरको लक्ष्य पर्यटकको सेवा, सुविधा र सुरक्षा प्रत्याभूति गराउनका साथै स्वदेशी तथ विदेशी पर्यटकको आगमनमा वृद्धि गर्न आवश्यक पहल गरिने छ ।

पोखरास्थित प्राकृतिक सम्पदा ताल, नदी नाला, गुफा, धार्मिक स्थल, कोटहरुको संरक्षण गर्दै पर्यटकीय गन्तव्य सूचना केन्द्र स्थापना गर्नुका साथै निजी क्षेत्रको साझेदारीमा पोखरा बहुउद्देश्यीय टावर निर्माणको अध्ययन गरिने छ ।

पर्यटन पूर्वाधारहरुको निर्माण, पर्यटन प्रवद्र्धन, पर्यटन क्षेत्रमा क्रियाशील जनशक्तिको क्षमता विकास तथा होम स्टेहरुको क्षमता विकास एवं प्रचार प्रसार गरी पर्यटन क्षेत्रलाई पुर्नउत्थानको नीति लिइनेछ ।

पोखरा पर्यटन विश्वविद्यालय स्थापनाको लागि नेपाल एकेडेमी अफ टुरिजम एन्ड होटेल म्यानेजमेन्ट नाथुम संग सहकार्य गरिने छ ।

निजी क्षेत्रको सहकार्यमा पोखरा कोसेली घर सञ्चालन गरिने र पोखरा घण्टाघर निर्माणलाई अगाडि बढाइने छ ।’ यी बुदालाईमात्र हेर्ने हो भने पनि महानगरले महानगरलाई ठुलो लाभ हुने किसिमको भन्दापनि नीजि क्षेत्रलाई लाभ हुनेकिसिमको योजना ल्याएको देखिन्छ ।