माओवादी आन्दोलनको लक्ष्य समाजवाद हुदैँ साम्यवाद सम्म पुग्ने हो । करिब डेढ दशकको समय यता माओवादी आन्दोलन अन्योलतामा रुमलिएर शसक्त रुपमा गतिशिल बन्न सकेको छैन ।
जसका कारण देश जनभावना र जनचाहाना अनुरुप सुशासन र समृद्धीको बाटोको अग्रसर बन्न सकेको छैन । हजारौ सहिदको बलिदान, हजारौ योद्धाको रगत्, पसिना, त्याग र तपस्याले जनयुद्ध मार्फत पुरानो निरङ्कुश राजतन्त्रको अन्त्य गर्दै देश नयाँ संघीय गणतान्त्रिक युगमा प्रवेश गरेको छ ।
जनयुद्धको बलमा सबै खाले, विभेद, उत्पीडन र असमानता अन्त्य भएर उत्पीडित समुदायका सम्पूर्ण अधिकार संविधानमा सुनिश्चित भए पनि त्यसको पूर्ण कार्यान्वयन र संस्थागत हुन बाकी छ । यद्यपी जनयुद्धले ल्याएको सामाजिक, सांस्कृतिक रुपान्तरण र मानिसको चेतनाको उजागरण विश्वकै नमूना उदाहरण हो ।
संघीय गणतान्त्रिक युगको स्थापना र नेतृत्व गरेको माओवादीले पुनः सुशासन, समृद्धि र समाजवाद प्राप्तिको आन्दोलनको नेतृत्व गर्नुपर्ने एैतिहासिक आवश्यकता छ । वर्तमान नेपालमा शुशासन र समृद्धिको मुख्य बाधक भ्रष्टाचार, कमिसन र तस्कर हो ।
नेपालमा विकृतिको रुपमा रहेका भ्रष्टाचार, कमिशन र तस्कर अन्त्य गर्नका लागि हाल प्रचण्ड सरकारले ईमान्दारीता पूर्वक गरेका कार्य र सञ्चालन गरेको अभियानलाई शुशासन, समृद्धि र समाजवाद प्राप्तिको आन्दोलनसंग जोड्न सक्नुपर्दछ ।
जनस्तरबाट भ्रष्टाचारी, कमिसनखोर र तस्करलाई सामाजीक बहिष्कार गर्नुपर्दछ ।
हाल नेपालमा विगत भन्दा फरक दृश्य देखिएको छ, विगतमा भ्रष्टाचारी, कमिसनखोर र तस्करहरु ढाका टोपी ढल्काउदै खादा–माला सहितको स्वागत पाउदै भब्य सभा समरोहमा व्यस्त हुन्थे भने अहिले हातमा हत्कडी लगाएर अदालत र जेल लगेको दृश्य देखिन्छ ।
नेपालमा भ्रष्टाचार नहुने सरकारी कार्यालय सायदै देख्न पाईन्छ तसर्थ अनेरास्ववियू (क्रान्तिकारी) भ्रष्टाचारको ईपी सेन्टरको रुपमा रहेका कुनै पनि सरकारी संस्थामा कुनै पनि किसिमका र आकारका भ्रष्टाचारको सूचना र प्रमाण पाएको खण्डमा त्यस्ता भ्रष्टाचारी, कमिसनखोर र तस्करलाई गाउँ–गाउँ, शहर–शहर बाट लखेट्ने छ ।
जनतासामु उपस्थित गरेर समाजिक बहिस्कार गर्ने छ । भ्रष्टाचारको नियमन र अन्त्य गर्नका लागि अनेरास्ववियू (क्रान्तिकारी) जुनसुकै सरकारी तथा गैरसरकारी संघ संस्थासंग, देशभक्त र प्रगतिशील शक्तिसंग सहकार्य गर्न तयार छ । साथै प्रचण्ड सरकारको प्रशंसनीय काममा थप निरन्तर रचनात्मक र सिर्जनात्मक सल्लाह सुझाव दिईरहने छ ।
अनेरास्ववियू (क्रान्तिकारी) ले भ्रष्टाचार अन्त्यको महान् अभियानमा समर्थन र एक्यबद्धता जनाउन ‘ सुशासन प्रचण्ड सरकारको सरोका ! भ्रष्टाचार बिरुद्ध नागरीक हस्ताक्षर’ अभियान देशव्यापी सञ्चालन गरेको छ ।
आवश्यक परेको खण्डमा थप कार्यक्रमको पनि आयोजना गर्ने छ । भ्रष्टाचारको विरुद्धमा विशाल आदिवेरी सृजना गर्ने छ । अबको शुशासन र समृद्धि श्रमजीवी जनताको झुपडी–झुपडी सम्म, गरीबको गाँस–गाँस सम्म र प्रत्येक जनताको जीवनस्तर सम्म पुग्नुपर्दछ ।
हाल प्रचण्ड सरकारको शुशासन र समृद्धि हँदै समाजवादको यात्रामा सम्पूर्ण देशभक्त र प्रगतिशील नेपाली नागरीकलाई सहभागि हुन र समर्थन गर्न हार्दिक अपिल गर्दछु ।
लेखक सुजन सापकोटा सहिद परिवारका सदस्य तथा अखिल क्रान्ततिकारी केेेेन्द्रीय सदस्य हुन।
प्रतिक्रिया लेख्नुहोस्:-