पोखरा । कास्की निर्वाचन क्षेत्र नं ३(क) अन्र्तगत गठबन्धनका उम्मेदवार माओवादी नेता दुर्गादत्त भण्डारीले लामाचौर माछापुच्छे« सडक स्तरउन्नतीमा आफूले ध्यान दिने बताएका छन् ।
मंंगलवार पोखरा महानगरपालिका वडा नं १९ पुरुन्चौरका विभिन्न स्थानमा भएको चुनावी घरदैलोका क्रममा उम्मेदवार भण्डारीले त्यस्तो प्रतिबद्धता जनाएका हुन् ।
उनले उक्त सडकका अलवा पात्ले अमरेश्वर तकमेल हुँदै सिक्लेससम्म पर्यटन मार्ग, चितेपानी, पुरुन्चौर, डाँडा हुँदै माछापुच्छे« गाउँपालिका जोड्ने वैकल्पीक मार्ग निर्माण एवम् मर्दीसेती दोभानमा भत्किएको मोटरेवल पुलको पुनः निर्माणमा पहल गर्ने पनि स्पष्ट पारे ।
त्यस बाहेक पनि प्रत्येक घरमा सहज रुपमा खानेपानीको उपलब्धता, आधारभूत स्वास्थ्य सेवा लगायत थुपै जनताका कार्य गर्न आफूले विशेष ध्यान दिने उम्मेद्वार भण्डारीको भनाई छ।
मंगलवार उक्त वडा अन्र्तगत चितेपानी, लामपाटा, चुरुङगा, उपल्लो तथा तल्लो काउरे, चारघरे, पात्ले, टाकुरा, थाम माथिको पोखरी, छपालेथोक, ठाँटी लगायतका स्थानमा घरदैलो गरिएको छ। घरदैलोका क्रममा स्थानीयले वाँदर नियन्त्रण तथा विभिन्न बहुउद्देश्यीय भवन निर्माणमा ध्यान पनि दिन उम्मेद्वार भण्डारीको ध्यानाकर्षण गराए ।
घरदैलोमा नेपाली कांग्रेसका प्रदेश सभापति पुष्पेन्द्र पाण्डे, वडा सभापति एवम् चुनाव प्रचारप्रसार समितिका संयोजक विष्णु वास्तोला प्रकाश, नेपाली कांग्रेस कास्की सहसचिव शंकर ढुङगाना, माओवादीको तर्फबाट वडा इन्चार्ज सविन जिसी, वडाध्यक्ष निर्मल वास्तोला लगायत गठबन्धनका नेताहरु खिमलाल बास्तोला, वसन्त वास्तोला, राजिव वास्तोला, अमृत आचार्य, सुजन थापा लगायत नेपाली कांग्रेस, माओवादी केन्द्र, नेकपा (एकीकृत समाजवादी) लगायतका दलका पालिकास्तरका नेता तथा कार्यकर्ता सहभागी भए ।
यसैबीच मंगलवारै चितेपानीमा वडा सम्पर्क कार्यालयको स्थापना पनि गरिएको छ। त्यस क्रममा गठबन्धनका नेताहरुले भनाई राख्दै वर्तमान् कांग्रेस नेतृत्वको गठबन्धन अग्रगमनकारीहरुको भएको बताए ।उनीहरुले संविधानको रक्षा तथा मुलुकको स्थीरताका लागि गठबन्धन गरिएकाले जीत आवश्यक रहेको जनाए ।
प्रतिक्रिया लेख्नुहोस्:-