कास्कीको मर्दी खोलाले खतराको तह नाघ्यो

पोखरा  /जल तथा मौसम विज्ञान विभागको नदी अनुगमन विवरणअनुसार शुक्रबार बिहान कास्कीसहित तीन जिल्लाका नदीमा पानीको सतह चेतावनी तहमा पुगेको छ।
कास्कीको <मर्दी खोला, लाहाचोक स्थित मापन केन्द्रमा बिहान ७ः३० बजे पानीको सतह ४.२९ मिटर पुगेको छ। उक्त स्थानको चेतावनी तह ३.४ मिटर र खतरा तह ४.३ मिटर तोकिएको छ। पानीको सतह बढ्दो क्रममा रहेकाले केन्द्रले ‘वार्निङ’ स्थिति जनाएको छ।
त्यस्तै भक्तपुरको हनुमन्ते खोला, जगातीमा पानीको सतह १३०९.३२ मिटर पुगेको छ। यहाँको चेतावनी तह १३०९.३ मिटर र खतरा तह १३०९.८ मिटर रहेको छ। पानीको सतह बढ्दो क्रममा रहेकाले उक्त केन्द्रमा पनि ‘वार्निङ’जारी गरिएको छ।
काभ्रेपलाञ्चोकको रोशी खोला, पनौतीमा भने पानीको सतह ४.२१ मिटर मापन भएको छ। त्यहाँ चेतावनी तह ४ मिटरर खतरा तह ४.५ मिटरमा छ। पानीको सतह स्थिर रहे पनि चेतावनी तह पार गरेकाले केन्द्रले ‘वार्निङ’ स्थिति जनाएको छ।
जल तथा मौसम विज्ञान विभागले शुक्रबार देशका विभिन्न नदी तथा खोलामा पानीको सतह बढ्न सक्ने जनाएको छ। विभागको पछिल्लो बाढी पूर्वानुमानअनुसार नारायणी, त्रिशूली, बूढीगण्डकी, मर्स्याङ्दी, सेती र कालीगण्डकीलगायत गण्डकीका नदीमा पानीको बहाव बढ्ने सम्भावना छ।