एजेन्सी । अमेरिकी सेनाले अफगानिस्तानको बगराम एयरबेस छाडेको छ । अफगानिस्तानलाई पूर्व जानकारी नदिइकन अमेरिकी सेनाले बगराम एयरबेस छोडेको बीबीसीले जनाएको छ ।
शुक्रबार अमेरिकाले बगराम एयरबेस छोडेको घोषणा गरेको थियो । यसका साथै अफगानिस्तानमा अमेरिकी सैन्य अभियान पनि अन्त भएको बीबीसीले जनाएको छ ।
एयरबेसमा पत्रकारहरुसँग कुरा गर्दै जनरल कोहिस्तानीले विभिन्न प्रकारका ३५ लाख चिज छाडेर फिर्ता भएको बताएका छन् जसमा हजारौं बोतल पानी, इनर्जी ड्रिङ्कस, रेडिमेड खाना लगायत छन् ।
उनका अनुसार अमेरिकाले भारी हतियार भने लगेर गएको छ । गोलाबारुदका केही स्टकमा आगो लगाएर नष्ट गरिएको छ । केही साना हतियार भने त्यहीं छोडिएको छ ।
शुक्रबार अमेरिकी सैनिक फिर्ता भएको २० मिनेटपछि बगराममा विद्युत सेवा अवरुद्ध भएको थियो । यो लुटेराहरु घुसेको संकेत भएको समाचार एजेन्सी एपीले जनाएको छ ।
प्रतिक्रिया लेख्नुहोस्:-