अभागी न्यु डायमन्ड पुलिसले जित्दा एपिएफ फाइनलमा

पोखरा रंगशालामा जारी दोस्रो संस्करणको टाइगरकप महिला÷पुरुष आमन्त्रित भलिबल प्रतियोगितामा नेपाल पुलिसले न्यु डायमन्डलाई हराउँदा रोचक बनेको छ ।

बिहिबार २ सेट जितिसकेको अवस्थामा अध्यारो भएपछि स्थगित भएको खेल शुक्रबार हुँदा न्यु डायमण्डको फाइलन पुग्ने सपना तुहिएको छ ।

खेल स्थगित हुनु डायमन्डका लागि दुर्भाग्यपूर्ण बन्यो । फाइनलका लागि जित्नै पर्ने खेलमा हारेपछि एपिएफलाई फाइदा पुगेको छ । उता न्यु डायमन्डलाई ३–० को सोझो सेटमा हराएपनि पुलिसले फाइनलसम्मको यात्रा भने तय गर्न सकेन । दुवै टोली तेस्रो र चौथो स्थानमा रहे । पुलिसले २५–२०,२५–२० र २५–२३ ले हरायो ।

राउन्ड रोविन लिगको महिला तर्फको खेलमा आर्मीले पुलिसलाई ३–१ को सेटमा हराउँदै तालिकाको शीर्ष स्थानमा रहँदै फाइनल प्रवेश गरेको हो । पुलिसले खेलमा अग्रता लिएपनि आर्मीले दोस्रो तेस्रो र चौथो सेट आफ्नो पक्षमा पार्दै जित हासिल गरेको हो । पहिलो सेट पुलिसले २५–२१ ले आफ्नो पक्षमा पारेको थियो ।

दोस्रो सेटमा आर्मीले २५–१८, २५–२१ र २५–१३ ले हराउँदै फाइनल प्रवेश गरेको हो । यस्तै महिला तर्फकै अर्को खेलमा एपिएफले आयोजकलाई ३–१ ले हरायो ।

एपिएफले २५–१४,२५–२०,२३–२५ र २८–२६ ले हराएको हो अब फाइनलमा एपिएफ र आर्मी भिड्ने भएको छ । पुलिस र डायमन्ड भने तेस्रो स्थानका लागि भिड्नेछन् ।
पुरुष तर्फको खेलमा हेल्प नेपालले गण्डकी प्रदेशलाई ३–० को सोझो सेटमा पाखा लगाउँदै फाइनलको यात्रा तय गरेको छ । आर्मीले पुलिसलाई ३–० कै सोझो सेटमा हराउँदै फाइनलमा हेल्प नेपालसंगको भेट पक्का गरेको हो । महिला तथा पुरुषको फाइनल खेल शनिबार हुनेछ ।