पोखरा । नेपाली मुक्तकको उत्थानका लागि क्रियाशील संस्था मुक्तक मञ्च, केन्द्रीय समितिले बिद्यालयदेखि विश्वबिद्यालय तहको पाठ्यक्रममा मुक्तक समावेश गरिनुपर्छ भन्दै सञ्चालन गरेको कार्यक्रम ‘पाठ्यक्रममा मुक्तक समावेश अभियान’ ले आईतबार दवाबमुलक मुक्तक वाचन कार्यक्रम सहित जिल्ला शिक्षा समन्वय इकाई समिति कास्कीलाई ज्ञापन-पत्र बुझाएको छ ।
ज्ञापन-पत्र बुझ्दै प्रमुख डा। नारायण प्रसाद सुवेदीले ‘मुक्तक छोटो, प्रभावकारी र निकै लोक प्रिय बिधा रहेता पनि यो केहि हाम्रा कमजोरीहरु कारण पाठ्यक्रममा छुटेको हुन सक्छ । मुक्तक मञ्चले यसरी हाम्रो ध्यानाकर्षण गराईदिएकोमा हामी आभारी छौँ । अवस्य पनि अबको पाठ्यक्रम तयार गर्दा यो बिधा नछुट्ने प्रतिबद्धता जनाउन चाहन्छु ।’ भन्दै आफु पनि मुक्तक प्रेमी रहेको वताए ।
पछिल्लो समय साहित्यका विभिन्न विधाहरुलाई विभिन्न तहका पाठ्यक्रम र पठ्यपुस्तकमा समावेश गरी अध्ययनरअध्यापन गरिँदै आएको भएपनि मुक्तक विधालाई पाठ्यक्रममा समावेश गरी अध्ययनरअध्यापन गराउने गरिएको छैन् । मुक्तक मञ्चका केन्द्रीय अध्यक्ष रामजी प्रसाद आचार्य भने ‘नेपाली साहित्यकै काव्यविधामा पर्ने मुक्तकले नेपाली भाषा र साहित्यप्रेमी माझ जुन लोकप्रियता पाएको छ, औपचारिक अध्ययनरअध्यापनमा भने यसले त्यति महत्त्व नपाएको महसुस हामीले गरेका छौँ ।’
“काव्यको लघुतम विधाका रुपमा सामान्य चिनारी सहित पाठ्यक्रममा समावेश गरिएको भए पनि मुक्तककै सिद्धान्त तथा मुक्तकलाई भने समावेश नगरिएको अवस्थामा विद्यालयदेखि विश्वविद्यालय तहसम्मका पाठ्यक्रममा क्रमशः मुक्तकको सैद्धान्तिक तथा रचनागत रुपमा समावेश गरियोस् भन्ने हेतुले मुक्तक मञ्च, पोखराद्वारा चरणबद्ध रुपमा यो अभियानलाई अघि बढाएको सर्वविदितै छ । आफ्नो अभियानलाई प्रभावकारी तुल्याउनका निम्ति पछिल्लो समय दवाबमुलक कार्यक्रमलाई सम्बन्धित निकायमा पुर्याउन नियमित कार्यक्रम गरेको संयोजक नविन भण्डारी बताएका थिए ।
कार्यक्रममा मुक्तक मञ्चका सह-सचिव श्रद्धा आचार्य, भरत पोखरेल, सदस्य गौरव ढुङ्गाना, सौगात तिमिल्सिना एवं अभियानका सदस्य बिष्णु सुबेदी, सम्पुर्ण पौडेल, मधुसूदन न्यौपाने, एस पि असफललगायतले जोडदार रूपमा माग पेश गरेका थिए ।
प्रतिक्रिया लेख्नुहोस्:-