गण्डकी प्रदेश सरकारले एकैदिन ३ सामाजिक कार्यको घोषणा गरेको छ ।
जिल्ला समन्वय समितिको सभाहलमा प्रदेश सरकारले एक साथ सडक आश्रित सहयोगापेक्षित मानवमुक्त प्रदेश घोषणा, लैङ्गिक हिसां विरुद्ध १६ दिने अभियान तथा कोभिडबाट बुबा आमा गुमाएका बालबालिकालाई राहत प्रदान शुभारम्भ समेत गरेको हो ।
३ कार्यक्रम एकसाथ घोषणा गर्दै गण्डकी प्रदेशका मुख्य मन्त्री कृष्णचन्द्र नेपाली पोखरेलले देशको राजनैतिक घटनाले नयाँ सरकार गठन भएपश्चात ठुलो परिवर्तन गर्न नसकेपनि जनभावना अनुरुपको काम गरेको बताए । उनले सरकारले ठुला तथा विकास निमार्णका योजना देखि बजेट समेत नेकपाकै सरकारले तय गरेको र बजेट आउन एक दिन बाकिँ रहँदा सरकार परिवर्तन भएकाले आफूहरुले आकर्षित काम गर्न नसकेको बताए ।
शिक्षा,संस्कृति,विज्ञान प्रविधि तथा सामाजिक विकास मन्त्री मेखलाल श्रेष्ठले सडक मानव मुक्त प्रदेश घोषणा प्रस्ताव पेश गरेका थिए । घोषणासंगै सडक मानव मुक्त गर्ने दोस्रो प्रदेश बनेको छ । यस अघि कर्णाली प्रदेशले उक्त अभियानको घोषणा गरेको थियो ।
प्रतिक्रिया लेख्नुहोस्:-