स्याङजा वालिङ न.पा. १४ पञ्चमुल अर्खलबास स्थित भित्री सडक खण्डमा सिख्रेबाट तिवारी पसल तर्फ जाँदै गरेको ग. २ च. ३०२६ नं.को जिप अनियन्त्रित भई सडकबाट अन्दाजी ५०० मिटर तल खस्दा १४ जनाको मृत्यु भएको छ भने ८ जना घाइते भएका छन् ।
बिहान करिब १०:२० बजेको समयमा जिप दुर्घटना भएको जिल्ला प्रहरी कार्यलय स्याङ्जाका सूचना अधिकारी रबिन्द्र खनालले जानकारी दिए । घाइतेलाई पोखरा जिएमसी अस्पताल पठाईएको र एक जनाको अवस्था गम्भीर भएको प्रहरीले जनाएको छ ।
मृत्यु हुनेमा ज्ञानुमाया कुवर, प्रविन कुवर, कुन्दिप कुवर, हरिकला कुवर , टेककला कुवर, मिना कुवर,जमुना कुवर, चिमकला कुवर,मुवा कुमारी कुवर, पोत कुमारी कुवर,जानुका कुवर, ज्ञानकली कुवर केम कुमारी गुरुङको मृत्यु भएको प्रहरीले जनाएको छ । मृत्यु भएका मध्ये एक जनाको पहिचान खुल्न बाकी रहेको छ ।
प्रतिक्रिया लेख्नुहोस्:-