पोखरा । स्थानीय निर्वान आउन केही दिन मात्र बाँकी हुँदा गठबन्धनको चुनावी प्रचारप्रसार तिव्र गतिमा अघि बढीको छ । पोखरा महानगरपालिकाको मेयर,उपमेयरमा उठेका धनराज आचार्य र कोपिला रानाभाटलाई भ्याईनभ्याई छ ।
उनीहरु महानगर बनाउने विभिन्न योजनाका साथ प्रत्येक वडा पुग्ने गरेका छन् । यस्तैमा विहिबार पोखरा २८,३१ र ११ मा चुनावी प्रचारप्रसार कार्यक्रम सम्पन्न भएका छन् ।
घरदैलोमा जाँदा स्थानीयको एउटै आवाज सुनिन्छ ‘पोखरामा खानेपानीको समस्या भयो ।’ बितेको ५ वर्षमा खानेपानीको क्षेत्रमा उल्लेखनिय प्रगति नहुँदा पोखराबासीमा खिन्नता बढेको छ ।
खासगरी पोखरा २८ का स्थानीयले खानेपानीको समस्या भोग्नुपरेको छ । घरदैलो कार्यक्रममा पुगेका गठबन्धनका मेयर उपमेयरले आफु मात्रै बोल्ने काम नगरी स्थानीयको समस्यालाई सुनेर त्यसको समाधानको बाटो खोज्ने अभिव्यक्ति समेत दिएका छन् ।
पोखरा २८ सँगै अरु वडामा देखिएको खानेपानीको समस्या समाधान गठबन्धनले नै गर्ने मेयरका उम्मेदवार धनराज आचार्यले बताए । उनका अनुसार गठबन्धनबाट मेयरमा आफू र उपमेयरमा कोपिला रानाभाटसहित वडा तहमा पनि गठबन्धनको उम्मेदवारलाई जिताएमा जनताले पानीका लागि घण्टौंं हिड्न पर्ने छैन । उनले ६ महिनाभित्रै खानेपानीको व्यवस्थापन गर्ने बताए ।
वडा २८ को ओख्ले, आरुपाटा, डाँडा गाउँ, देउमाडी, माझठाना लाम्चे, सौर्य लगायतका अधिकांश भेगमा पानीको हाहाकार भएको उल्लेख गर्दै आचार्यले खानेपानीसँगै पर्यटन पूर्वाधारको विकास गर्ने जिम्मेवारी आफुहरुको रहेको उल्लेख गरे ।
उनले विगतका मेयर उपमेयरले विकासको आयोजना आफ्नो वडामा मात्रै केन्द्रित गरेको तर्क प्रस्तुत गरे । घोषणा पत्रमा भएका विषयहरुलाई पालना नगरेकै कारण पोखराको विकास पछाडि परेको भनाई उनको थियो ।
महानगरको नेतृत्व असक्षम र जनताप्रति इमानदार नभए विकासमा कस्तो बाधा पुग्छ त्यो विगतको सरकारले देखाएको उनले सुनाए ।
‘हामी घोषणापत्रको अक्षरांश पालना गर्नेछौं ।
यसअघि घोषणापत्र पालना नगरेकै कारण आज यो अवस्था आएको हो’,उनले भने,‘हिजो घोषणापत्र इमान्दारी पुर्वक पालना गरेको भए हामी यहाँ हुने थिएनौं । हिजोको नेतृत्व असक्षम र जनताप्रति इमानदार नभएका कारण गठबन्धन गरेका हौं ।’
पोखरा ३१ मा अवस्थित बेगनासतालको विकास फेवाताल जस्तै गर्ने विषयमा आफुहरु प्रतिबद्ध रहेको भनाई उनको थियो ।
‘पोखरा फेवातालको सहर मात्र नभई बेगनास र रुपातालको सहर पनि हो’, उनले भने, ‘हिजोको सरकारले पोखरा ३१ लाई उपेक्षा गर्यो,हामी गर्नेछैनौं । ३१ मा विकासको लहर ल्याउन गठबन्धनलाई जिताऔं ।’
उपमेयरकी उम्मेदवार कोपिला रानाभाटले गठबन्धनको नेतृत्वमा नै पोखरा महानगरले मुहार फेर्ने बताइन् । लामोसमय देखि कालिका माझठाना पूर्वाधार विकासको दृष्टिकोणबाट पछाडि परेको उल्लेख गर्दै उक्त ठाउँको पाखा,पखेरा र टोल टोलको विकास गठबन्धनले नै गर्ने प्रतिबद्धता उनको थियो ।
नेपाली काँगे्रस कास्कीका सभापती किशोरदत्त बरालले विकासका लागि राजनीतिक नाराको पछि लागेर नहुने बताए । उनले पाँच वर्षमा राजनीति नाराको पछि लाग्दा कालिकाका स्थानीयले पाउनुपर्ने विकास नपाएको बताए ।
उनले पार्टी भन्दा माथी उठेर असल र कुशल नेतृत्वलाई चुन्न आग्रह गरे । देशको लोकतन्त्र खतरामा पर्दा पाँच दल मिलेर लोकतन्त्रको रक्षाका लागि अघि बढेको उनले बताए ।
नेकपा एकिकृत समाजवादीका पोलिटव्युरो सदस्य श्रीनाथ बरालले संविधान जोगाउन र अग्रगामीको अन्त्य गर्न गठबन्धन गरेको बताए ।
‘हामिले किन बिद्रोह ग¥यौं । विगतमा हामीले दुईतिहाई मत पायौं तर घोषणा पत्र अनुसार काम हुन सकेन’, उनले भने, ‘पार्टीमा हामीले समस्याका कुरा उठायौंं तर पार्टी भित्र गुट उपगुट गर्ने, राम्रो कुरा नसुन्ने ।
सही कुरा गर्दा बेवास्ता गरियो त्यसैले गठबन्धन ग¥यौं ।’ अब प्रदेश र संघमा पनि गठबन्धनबाटै जानुपर्ने उनको धारणा थियो ।
घरदैलौ कार्यक्रममा नेपाली कांग्रेसकी महासमिति सदस्य सरस्वती गुरुङले आफ्नै पार्टीले अनावश्यक दबाब दिएर मानबहादुर जिसी अस्वस्थ भएको दाबी गरिन् ।
जिसीलाई स्वास्थ्य लाभको कामना गर्दैै स्वस्थ्य हुँदा पनि कुनै देखिने गरी काम गर्न नसकेको उनले टिप्पणी गरिन् । आफ्नै वडाको विकास नहारेको कारण पनि यसपटक गठबन्धनले नेतृत्व लिनुपर्ने भन्दै स्थानियलाई धनराज र कोपिलालाई मत दिएर विजयी गराउन उनको आग्रह छ ।
प्रतिक्रिया लेख्नुहोस्:-