२०७८ लाई हेर्दा ः पोखराको खेलकुदमा इतिहास वर्ष

विजय नेपाली

पोखराको खेलकुद भन्ने वित्तिकै दुई खेलसंघको नाम पनि जोडिन्छन् । सहारा क्लब र भुतपुर्व खेलाडी मञ्च । यी दुई संघ पोखराको खेलकुदको विकासका लागि निकै महत्वपुर्ण संघ हुन् ।

जसले पोखरालाई खेलकुदको सहर बनाउन प्रेरित गरिरहेको छ भने यहाँको खेलकुदको इज्जत समेत धान्दै आइरहेका छन् । दुवै संघको दुई दशक पुरा भइसकेको छ । जुन कुरा गर्वको कुरा हो ।

भुतपुर्व खेलाडी मञ्च जसले आज रंगशाला त्यतिको बनाउन अहम भुमिका खेल्यो । २०५८ सालमा ८१ जना खेलाडी पोखरा रंगशालामा भेला भएर स्थापित मञ्चले तत्कालिन समयमा अतिक्रमणको चपेटामा परेको रंगशालाको संरक्षण गर्न सुकुम्बासीहरुसंग लडाइनै लड्न प¥यो ।

२०५९ सालमा रंगशाला संरक्षण गर्नका लागि ४ सय १७ रोपनी क्षेत्रफलको जग्गामा बार तथा पर्खाल लगाउने काम भयो । जुन संस्था खेलकुदमा लागेको पनि २०७८ सालमा दुई दशक पार ग¥यो भने अन्तराष्ट्रिय स्तरमा लैजाने योजना भएको सफल पोखरा म्याराथनलाई एथलेटिक्स संघले मान्यता दिएको छ ।

अर्को भनेको सहारा क्लब पोखरा हो । क्लबले पोखराको मात्र नभई देशकै फुटबललाई जोगाइराख्न ठुलो भुमिका खेल्यो । चाहे दश वर्षे जनयुद्ध मात्र नभई, जनआन्दोलन, विनासकारी भुकम्प र कोरोना महामारीको समयमा समेत क्लबले फुटबल खेललाई निरन्तरता दियो । जुन राम्रो पक्ष थियो ।

त्यहि क्लब जसले संचालन गर्दै आएको मोफसलकै चर्चित आहा ! रारा गोल्डकप फुटबल प्रतियोगिताको २० औं संस्करण पुरा भयो । दुई दशक सम्म निरन्तर प्रतियोगिता जुन ऐतिहासिक क्षण थियो । त्यति इतिहासमा अर्को इतिहास थपियो । एपिएफ क्लबले पहिलो पटक उपाधीमा आफ्नो नाम लेखाउन सफल रह्यो ।

अर्को इतिहास भनेको फुटबलको ए डिभिजन क्लब मनाङ मस्र्याङ्दीले पोखरालाई घरेलु मैदान (होम ग्राउन्ड) बनाउनु र राष्ट्रिय ए डिभिजन लिग पहिलो पटक काठमाडौं बाहिर जानु हो ।

मनाङ मोफसललाई घरेलु मैदान बनाउने पहिलो टोली बन्दै इतिहास लेख्यो । अखिल नेपाल फुटबल संघ (एन्फा) ले पनि स्विकृत दिएसंगै घरेलु मैदान बनेको हो ।

अर्को ठूलो कुरा भनेको ए डिभिजन लिगले राजधानी काठमाडौं छाड्नु हो । नेपाली खेलकुदमा लामो इतिहास बोकेको लिगले पहिलो पटक काठमाडौं छाड्दै लिगलाई लचिलो बनाउने काममात्र गरेन यो एक इतिहास पनि हो । यसले आगामी दिनमा काठमाडौं भन्दा बाहिर पनि लिग सम्भव छ भन्ने प्रमाणित ग¥यो ।

त्यसतै राष्ट्रिय फुटसल लिगको पहिलो संस्करण पनि पोखराले नै सम्पन्न ग¥यो । जसको उपाधी स्पोट्र्स क्यासलले जितेको थियो । जुन घरेलु टोली समेत हो ।