२०७८ सालको सुरुवातमा गण्डकी प्रदेशको खेलकुदमा केहि हुन्छ की भन्ने देखियो । प्रदेश सरकारले बैशाख १४ गते गण्डकी प्रदेश खेलकुद विकास नियमावली प्रकाशित ग¥यो ।
त्यतिन्जेलसम्म गण्डकीको खेलकुद सामाजिक विकास मन्त्रालयले धानिरहेको थियो । खेलकुदको नियमावली प्रकाशित भइसकेपछि खेलकुदमा परिवर्तन हुन्छ भन्ने आशा गरिएको थियो ।
किनकी गण्डकी खेलकुद परिषद्को सदस्य सचिवमा तेज गुरुङ नियुक्त भएका थिए । देशको राजनैतिक घटनााक्रमले एकाएक परिवर्तन ल्यायो । गण्डकी प्रदेशमा पृथ्वी सुब्बा गुरुङ नेतृत्वको सरकार ढल्ने निश्चित भएपछि । गण्डकी प्रदेशले युवा तथा खेलकुद मन्त्रालयको बनायो ।
जसको जिम्मा दिइयो राजिव गुरुङ (दिपक मनाङे) लाई । मनाङे ३ महिनाभित्रमा ३ पटक खेलकुद मन्त्री नियुक्त भए । बैशाख १६ गते मुख्यमन्त्री पृथ्वी सुब्बा गुरुङले खेलकुद मन्त्रीमा नियुक्त गरे । पहिलो पटक मनाङे १० दिनका लागि मन्त्री भए । मुख्यमन्त्री गुरुङले बैशाख २६ गते राजीनामा दिएपछि मनाङे स्वतः पदमुक्त हुनपुगे ।
२९ गते पुनः ठूलो दलको हैसियतले मुख्यमन्त्री पृथ्वीसुब्बाले सपथ लिदाँ पुरानै मन्त्रीलाई निरन्तरता दिइयो । जेठ ९ मा दोस्रो पटक मन्त्री बने । मुख्यमन्त्री पृथ्वी सुब्बा गुरुङमाथि अविस्वासको प्रस्ताव दर्ता भएपछि कांग्रेसका कृष्णचन्द्र नेपालीको नेतृत्वमा गण्डकी सरकार बन्यो । भौतिक पूर्वाधार ताकेर बसेका विना विभागिय मन्त्री मनाङेले असार २७ गते तेस्रो पटक मन्त्रालय सम्हाले ।
गुण्डा क्षेत्रबाट राजनीतिमा आएका उनले सुरुवाती समयमा केहि गर्छन भन्ने आशा सबैको थियो । रिसाहा र अलिक दादागिरी व्यवहार भएकाले र खेलकुदमा लागेकै भएर केहि गर्छन भन्ने आशा सबैको थियो । तर, त्यसो हुनै सकेन ।
खेलकुदमा जुन रुपले विकास हुनुपर्ने हो त्यो हुनै सकेन । त्यतिलेमात्र कहाँ पुग्थ्यो ? मनाङले आम खेलकुदलाई नै लात मार्दै गण्डकीको राजधानी पोखरामा हुने भनिएको नवौ राष्ट्रिय खेलकुद प्रतियोगिता कामै छैन समेत भने ।
त्यो पनि खेलाडी र खेलपदाधिकारीकै अघि । मनाङे त्यतिमा मात्रै सिमित भएनन् उनले मन्त्रालय सम्हालेपश्चात मंसिर र चैतमा मन्त्रालयका सचिव र सूचना अधिकारीमाथि हातपात गरे । मंसिरमा तेज प्रसाद काफ्लेलाई सिसाको गिलासले प्रहार गरेका थिए । यद्यपी त्यो घटना बाहिर भने ल्याइएन भित्रभित्रै सामसुम भयो ।
चैतमा भएको घटनामा मन्त्रालयका सुचना अधिकारीलाई प्रकाश ओझामाथि हातपात गरे । उनको कुटाइपछि ओझा सरुवा गराउन कसरत मात्र गरेनन् उनी विदा लिएरै कार्यालय आउन समेत छाडेका थिए । मनाङे सांसद भएपछि नै एन्फा कास्कीका अध्यक्ष मिलन गुरुङलाई हातपात गरेका थिए ।
जिल्ला खेलकुद संघ गठन अनि १४३ जना बर्खास्त
वैशाख ५ गते गण्डकी प्रदेशका ११ जिल्लामा नै जिल्ला खेलकुद समिति गठन भए । तत्कालिन मुख्य मन्त्री पृथ्वी स्ुब्बा गुरुङले नियुक्ति गरेको समिति चैत २४ गते मन्त्रीपरिषद्को निर्णबाट हटाइयो । काम सन्तोषजन नभएको भन्दै युवा तथा खेलकुद मन्त्री दिपक मनाङेले स्पष्टिकरण माग गर्दै चित्त बुझ्दो जवाफ नदिएको भन्दै पदबाट हटाइएको हो । जुन खेलकुदका लागि गतिलो सन्देश पक्कै थिएन ।
प्रतिक्रिया लेख्नुहोस्:-