हरीनास गाउँपालिका स्याङजाले सञ्चालन गरेको एक घर एक धारा योजना अन्र्तगत वडा नम्वर दुई गुर्जामा खानेपानी योजना सम्पन्न भएको छ ।
योजनाको एक समारोहका बिच हरीनास गाउँपालिकाका अध्यक्ष खिम नारायण मानन्धरले उद्घाटन गरे । उनले गाउँपालिकाका जनतालाई घरघरमा खानेपानिको सुविधा दिदै स्वच्छ खानेपानिको व्यवस्था गर्नु आफ्नो कार्यकालको विशेष काम भएको बताए ।
उनले भने खानेपानी जनताको आधारभुत आबश्यकता हो ,हरीनास गाउँपालिकाले खानेपानी योजनालाई बिशेष महत्व दिदै काम गरेकाले थुप्रै ठाउँमा योजना सम्पन्न भैसकेका छन ।
हरीनास गाउँपालिका वडा नम्वर दुईका अध्यक्ष पर्शुराम सिग्देलले छोटो समयमा नै योजना सफल बनाएको उपभोक्ता समिति र गाउँबासीलाई धन्यवाद दिए ।
गुर्जाका २४ घरधुरीका करीव एक सय जना लाभान्वित भएको उक्त योजना गाउँपालिकाको करीव ८ लाख सहयोग र करीव ३ लाखको स्थानीय श्रमदानसहित ११ लाख २० हजारमा सम्पन्न भएको उपभोक्ता समितिका अध्यक्ष महेश कुमार थापा ‘मदन’ले बताए ।
उद्घाटन कार्यक्रममा वडा सदस्य हिममाया थापा ,जनजागरण आमा समुहकी अध्यक्ष सेतीमाया थापा पर्यटन व्यवसायी प्रेम बहादुर के.सी लगायतले बोलेका थिए ।
प्रतिक्रिया लेख्नुहोस्:-