१० खेलाडिमा सिमित मछिन्द्रलाई हराउँदै एपिएफ फाइनलमा

२० औ आहारारा गोल्डकप फुटबल प्रतियोगिताको पहिलो सेमिफाइनल खेलमा एपिएफले मछिन्द्रलाई ३–१ गोलले हराउँदै फाइनलमा प्रवेश गरेको छ ।
खेलको २५ औ मिनेटमा एपिएफका सन्तोष श्रेष्ठले हेडमार्फत गोल गर्दै १–० को अग्रता दिलाए ।
मछिन्द्रका डिफेन्डर छिरिङ गुरुङले मनि लामालाई लडाएपछी फ्रीकिकको अवसर प्राप्त गरेको थियो । मनिले नै प्रहार गरेको फ्रीकिकमा सन्तोषले उत्कृष्ट गोल गरे ।
चौथो मिनेटमा मछिन्द्रका मथनिएल जुडे ब्राकियाको प्रहार दोस्रो बार नजिकै बाट बाहिरियो । उत्सव राईले सेन्टरलाइन बाट बिट गर्दै अघि बढाएको बल अभिषेक रिजाललाई पास दिदा उनले गरेको क्रसपासलाई क्लियर गर्ने क्रममा अडम्बा डोम्बियाले हेड गरेको बलमा मठनियलले प्रहार गरेका थिए ।
छैटौ मिनेटमा एपिएफका अर्मन्ड बेडुमले २ डिफेडरलाई बिटगर्दै गरेको प्रहार पोस्टबार नजिकैबाट बाहिरियो ।
१९ औ मिनेटमा प्रदिप लामाले पेनाल्टी क्षेत्रबाट गरेको प्रहारलाई मछिन्द्रका गोलरक्षकले उत्कृष्ट बचाउ गरे । अर्मन्डको पासमा लामाले गोल गर्ने अवसर खेर फाले ।
खेलको ४९ औ मिनेटमा मछिन्द्रले पाएको फ्रीकिक खेर फाल्यो । उत्सवले प्रहार गरेको बललाई अडम्बा डुम्बियाले हेड गर्दै क्लियर गर्न खोज्दा हातमा लाग्न पुगेको थियो । ओमोलाजाले निकै फितलो प्रहार गरे । ५८ औ मिनेटमा एपिएफका कप्तान नवीन लामाले गोल गर्ने अवसर खेर फाले । अडमा डोम्बिया खाली रहेको अवस्थामा आफैले प्रहार गर्न खोज्दा अग्रता दोब्बर गर्नबाट चुके ।
६४ औ मिनेटमा मछिन्द्रका कप्तान रन्जित धिमालले प्रहार गरेको शसक्त कर्नरलाइ गोलरक्षक कुरियामा युयाले पन्च गर्दै बचाउ गरे । ६९ औ मिनेटमा प्रदिप लामाले गोल गर्दै एपिएफको अग्रता दोब्बर पारे । कप्तान नवीन लामाको क्रसपासमा उनले अघि बढ्दै उत्कृष्ट वानटच फिनिसिङ गरे । कप्तान रन्जित धिमाल र मनि लामा संगै लड्दा पाएको बलमा कप्तान लामाले क्रस गरेका थिए ।
निर्धारित समयमा थप गरिएको ५ मिनेटको इन्जुरी समयमा नविन लामाले थप १ गोल गरे । प्रदिप लामाले गरेको प्रहारलाई गोलरक्षकले बचाउँ गरेको बलमा उनले गोल गरे । लामा खेलको म्यान अफ दी म्याच घोषित भए ।