हक्की संघले ग¥यो जिल्ला गठन केसी सर्वसम्मत चयन

पोखरा, १६ भदौ– कास्की जिल्ला हक्की संघले अन्ततः नयाँ कार्यसमिति चयन गरेको छ । यस अघि प्रमुख अतिथिले समय नदिएको कारण अड्किएको अधिवेसन बुधवार सम्पन्न भएको छ ।

अधिवेसनले मिलन केसीको अध्यक्षतामा १० कार्यसमिति सर्वसम्मत चयन समेत गरेको छ । समितिले ३ सदस्य भने बैठक पश्चात मनोनयन गर्नेछ ।

संघको प्रथम उपाध्यक्षमा भरत थापा, द्वितीय उपाध्यक्षमा सनमन श्रीमल, सचिवमा बुद्धिबहादुर खत्री, कोषाध्यक्षमा राजन श्रेष्ठ र सदस्यहरुमा मनोज शिल्पाकर, शान्ति गुरुङ, बुद्ध गुरुङ, सोमबहादुर थापा र नविन गुरुङ सर्वसम्मत चयन भएका हुन् ।

समितिको कार्यकाल आगामी ३ वर्षका लागि हुनेछ । कार्यक्रमको उद्घाटन सत्रमा बोल्दै कास्की जिल्ला खेलकुद विकास समितिका अध्यक्ष तोरण बानियाँले पोखरामा हक्की खेलको प्रचुर सम्भावना भएको बताए ।

उनले हक्की मैदानका लागि पहल गर्ने बताए । नेपाल हक्की संघका उपाध्यक्ष हिमाल खड्काको अध्यक्षतामा सम्पनन अधिवेसनमा पोखरा महानगरपालिका खेलकुद विकास समिति अध्यक्ष दिपक गोदार लगायतको सहभागिता रहेको थियो ।

गठन पश्चात नै कार्यसमितिको पहिलो बैठक समेत बसेको छ । बैठकले खेल व्यवस्थापन तथा खेल सामग्री माग गर्ने देखि अधिवेसन सम्पन्न गर्नेलाई धन्यवाद व्यक्त गर्ने निर्णय गरेको छ ।

यो पनि पढ्नुहोस् https://gandakipress.com/2021/08/31/2919/