बलत्कार अनि हत्या १ वर्ष पछि हत्यारा पक्राउ

पोखरा ७ भदौ । कास्कीको मादी गाउँपालिका ११ पातिघारीमा १ वर्ष अघि बलत्कार पछि हत्या गरिएको बालिकाको हत्यारालाई प्रहरीले पक्राउ गरेको छ ।

१७ वर्षिया कोपिला परियार शव सडेगलेको अवस्थामा २०७७ असार १५ गते भेटिएको थियो ।

हत्यामा संलग्न रहेका स्याङ्जा हरिनास गाउँपालिका ६ चालिसेका ४५ वर्षिय गरेको आरोपमा प्रहरीले ४५ वर्षिय रामबहादुर थापा (मोटे) भनिने खड्ग बहादुर खवासलाई पक्राउ गरेको हो ।

यसअघि पनि हत्याको आशंकामा प्रहरीले उनलाई पक्राउ गर्दै सोधपुछ पछि छाडेको थियो । प्रहरीले आवश्यक प्रमाण जुटाउन नसक्दा हत्यारा सहजै उम्किएका थिए ।

बालिकाको शव फेला पार्दा हत्यारा समेत त्यही पुगेका थिए । उनलेनै सबैभन्दा पहिला प्रहरीलाई खवर गर्न पर्छ हत्यारालाई कारबाही हुनुपर्छ भन्दै सबैको ध्यान तानेका थिए ।

यतिमात्र होइन् बालिकाको अन्त्येष्टिमा समेत उनी पुगेका थिए । आफ्नो परिवार समेत रहेको बताउँदै हत्याराले शारिरीक सम्बन्ध पछि दबाब दिनथालेका कारण हत्या गरेको स्विकार गरेका छन् ।

‘मलाई मानसिक तनाव दिन थालेपछि मैले एक झापड हाने त्यही उ ढल्यो । रुन कराउँन थालेपछि उसले लगाएको सुरवालले बेरेर मारेको हुँ’ बयानमा भनेका छन् ।

जिल्ला प्रहरी कार्यालय कास्कीका प्रमुख रमेश थापाले शारिरीक सम्बन्ध भएको कुरा अरुले पनि थाहापाएकाले उक्त कुराबाट उम्किन हत्या गरेको बताए । उनलाई स्याङ्जा पुतलिबजार ४ बाट पक्राउ गरेको उनले बताए ।

बालिकाकी हजुर आमा पुतलीले भने मोटे (खड्ग बहादुर खवास) नै हत्यारा रहेको बारम्बार बताउँदा समेत कसैले नसुनेको बताइन् । ‘मैले पहिला देखिनै त्यो मोटे नै हत्यारा हो भनेको थिए । कसैले सुनेनन् अहिले मोटेलाई नै समाएछन् ।

’ आमा सीता परियारले भने न्यायको आश मारिसकेको अवस्थामा प्रहरीले अग्रसरता देखाएर न्याय दिन मद्दत गरेको बताइन् । गरिबीका कारण मुद्दा मामिलामा जान नसकेको कारण आफूहरुले हत्यारा उम्किएको सोचेर बसेको सुनाइन् ।