काठमाण्डौँ १० साउन । चन्द्रागिरी नगरपालिका–२ नागढुङ्गाबाट छुट्टाछुट्टै बसमा सवार २ जनालाइ प्रहरीले पक्राउ गरेको छ ।
धादिङ गजुरी नगरपालिका ९ का ५५ वर्षीय सूर्यबहादुर तामाङलाइ करिब २ किलो ९ सय ग्राम अवैध लागूऔषध चरेश जस्तो देखिने गाँजाको खैरो धुलो पदार्थ सहित प्रहरीले पक्राउ गरेको हो ।
धादिङबाट काठमाडौंतर्फ आउँदै गरेको बा.४ ख ५०२४ नम्बरको बसलाई महानगरीय प्रहरी विभाग नागढुङ्गाबाट खटिएको प्रहरीले जाँच गर्ने क्रममा बसमा सवार उनको झोलाबाट उक्त पदार्थ फेला पारेको हो ।
यस्तै सोहि स्थानमा चेकजाच गर्नेक्रममा करिब ५ सय ग्राम अवैध लागूऔषध गाँजाको धुलो सहित धादिङ धार्के गाउँपालिका–१ बस्ने १६ वर्षीय किशोरलाई शनिबार साँझ प्रहरीले पक्राउ गरेको हो ।
धादिङबाट काठमाडौंतर्फ आउँदै गरेको बा.३ ख १५९५ नम्बरको बसलाई जाँच गर्ने क्रममा बसमा सवार उनको साथबाट उक्त गाँजाको धुलो सहित फेला पारेको हो ।
प्रतिक्रिया लेख्नुहोस्:-