बाढी पहिरोबाट हालसम्म ३४ को मृत्यु, २४ वेपत्ता

पोखरा १८ असार । अविरल वर्षाको कारण पछिल्लो तीन हप्तामा देशभर आएको बाढिपहिरोको कारण ३४ जनाले ज्यान गुमाएका छन् । बाढिपहिरोमा परि २४ जना भने अझै वेपत्ता छन् ।

बाढिपहिरोबाट सबैभन्दा बढि सिन्धुपाल्चोकमा ५ जनाको मृत्युु भएको छ । डोटीमा ४, रोल्पामा ३, चितवन,तनँहु, प्युठान र रौटहटमा २–२ जनाको मृत्यु भएको हो ।

यस्तै कास्की, ललितपुर, सप्तरी, सिन्धुली, गोर्खा, जुम्ला, अर्घाखाँची, दाङ, पाल्पा, कालिकोट,पाचँथर, बझाङ र बाजुरामा १–१ जनाको मृत्यु भएको छ ।

बाढीपहिरो र डुबानमा परी ४४ जना घाइते भएका छन् । तीमध्ये २४ जना पुरुष, ११ जना महिला, ६ जना बालक र ३ जना बालिका रहेका छन् ।

उनीहरुमध्ये तनहुँमा १० जना, सिन्धुपाल्चोक र रोल्पामा ५÷५ जना, म्याग्दी, सर्लाही, कास्की र डोटीमा ३÷३ जना, जुम्ला र गोरखामा २÷२ जना, पाँचथर, रौतहट, स्याङ्जा, चितवन, हुम्ला, अछाम, दार्चुला र सल्यानमा १÷१ जना रहेका छन् ।

घाइतेहरूलाई स्थानीय अस्पतालमा उपचार गरिएको छ । बाढी पहिरोमा परी २४ जना बेपत्ता भएका छन् । तीमध्ये १५ जना पुरुष, ६ जना महिला, २ जना बालक र १ जना बालिका रहेका छन् ।

सिन्धुपाल्चोकमा २० जना, चितवनमा ३ जना र बाजुरामा १ जना रहेका छन् । वेपत्ताको खोजी कार्य जारी छ । बाढी तथा पहिरोमा परेका १ हजार २ सय ५० जनाको विभिन्न ठाउँबाट उद्दार गरिएको छ ।

उद्धार गरिएकामध्ये मनाङमा ६ सय ५६ जना, चितवनमा ४ सय २ जना, सिन्धुपाल्चोकमा १ सय २३ जना, दोलखामा ३५ जना, लमजुङ र सल्यानबाट ८÷८ जना, जाजरकोटमा ७ जना, गोरखा र दाङमा ४÷४ जना र कञ्चनपुरमा ३ जना रहेका छन् ।

उद्धारपश्चात उनीहरुलाई तत्काल उपचारका लागि विभिन्न अस्पतालमा लगिएको थियो । बाढीको कारण ३ सय ९७ वटा घर डुबानमा परेका छन् । ४ सय ९१ वटा घर, ८४ वटा गोठ, ३८ वटा पुल, ३ वटा विद्यालय र १० वटा सरकारी कार्यालयमा क्षति पुगेको छ ।

१ हजार ४३ वटा घरका ४ हजार ९ सय ५५ जना मानिस विस्थापित भएका छन् भने ८ सय २ वटा पशु चौपायको मृत्यु भएको छ ।
उक्त अवधिमा ३ सय ३० वटा विपद्का घटना भएको प्रहरी प्रधान कार्यालयले जानकारी दिएको छ ।