निशुल्क दिनुपर्ने पानी ११ हजारमा बेचियो

पोखरा । पोखरा १८ को सुन्दर पोखरीका अन्य घरमा पानीका धारा रहेका छन् तर बुद्धिमान बिकको घरमा पानी छैन । उनले पानीकोलागि केही वर्ष अघि १ हजार रुपैयाँ पनि तिरेका थिए । संंस्थाले पुन १० हजार रुपैयाँ दिनुपर्ने भएपछी उनले पानी जोड्न सकेनन । उनको घरमा जडान गरेको पानीको मिटर पनि थुतेर लगेको उनी निराश हुँदै गण्डकी प्रदेशका अर्थ मन्त्री रामजी बराललाई सुनाए ।
‘१० हजार थप्न नसकेपछी मैले पहिला तिरेको १ हजार पनि फिर्ता पाएका छैन,‘उनले भने,‘छिमेकिकोबाट पानी लिएर आउनुपर्छ ।’
गण्डकी प्रदेशका अर्थ मन्त्री रामजी बरालले पोखरा १८ मा खाने पानीको योजनामा पैसा उठाउने गलत भएको दावी गरे । ‘केही काम श्रमदान गर्नुपर्ने थियो,‘उनले भने,‘तर पैसा उठाउन पाइदैन ।’

बुढिमुल लिप्टीङ खानेपानी योजना आफ्नो पहलमा प्रदेश सरकारले खानेपानी योजना हालेको बजेटको योजनामा नै स्थानियबाट पैसा उठाउन नपाउने प्रष्ट योजनामा भएको उनले बताए । यस विषयलाई प्रदेश सरकारले छानबिन गर्ने बताए । १ घर १ धारामा योजनामा जनताबाट १ रुपैयाँ पनि माग्न नमिल्ने तर ११/११ हजार उठाउनु गलत रहेको उनको दावी छ ।

‘११ हजार कहाँ गयो किन उठाइयो खोजी गर्नुहोस अहिले नै सोध्नुपर्छ,‘उनले भने,‘जनताको पसिना बिकासका नाममा दुरुपयोग भयो कि भएन ।’ वडाका अन्य योजनमा निशुल्क खानेपानी जडानको काम गरिएको छ ।

खनीसकेको बाटो बन्द
पोखरा १८ मा हिमाय फन्ट रिसोर्ट पछाडी प्रगती टोलमा १० घर रहेको बस्ती छ । उक्त बस्तीमा जाने बाटो केही वर्ष अघि नै खनिएको थियो । केही समय अघि उक्त बाटोमा पर्खाल लगाएर बाटो बन्दा भएको स्थानीय कल्याण बराल बताउछन् । स्थानियले अनुरोध गरेपछी उक्त बाटो खुलाउनको लागि जिल्ल्ला प्रशासन कार्यालय कास्कीले पोखरा १८ वडा कार्यालयलाई पत्रचार गरेको थियो ।

बाटो अहिलेसम्म खुल्न सकेको छैन । ‘पोखरा नजिकैको ठाउँ भएर रुकुम रोल्पाको अनुभव भयो,‘उनले भने,‘हामीलाई न्याय दिने सरकार नै आएको छैन ।’ जनताको गुनासो सुन्दै पोखरा १८ मा वडा अध्यक्षमा माओवादी केन्द्रको तर्फबाट उम्मेदवारी दिएका राजु शर्मा तिमिल्सिनाले उक्त बाटो खुलाउने बाचा गरेका छन् । उनले माओवादी केन्द्रले जितेमा मात्र सरकारको अनुभव हुने बताए ।

पोखरा १८ मा माओवादी केन्द्रको तर्फबाट वडा अध्यक्षमा राजु शर्मा तिमिल्सिनाको उम्मेदवारी रहेको छ । महिला सदस्यमा दुर्गा अधिकारी, दलित महिला सदस्यमा साहारा नेपाली, खुल्ला सदस्यमा उमनाथ तिमिल्सिना र हुमबहादुर पुन रहेका छन् ।