११२औं नारी दिवसको अवसरमा पोखरा लेडि जेसीजको आयोजनामा “नारी सजकता आजको आवश्यकता “भन्ने विषयमा लैंगिक हिंसा एवम् सजकता सम्बन्धि अन्तरकृया कार्यक्रम सम्पन्न भएको छ ।
पोखरा महानगरपालिका वडा नं २६ स्थित लक्ष्मी मा.वी का कक्षा ७ देखि १० सम्मका करिव १५० छात्राहरूहरुको सहभागिता रहेको थियो । सहभागि विद्यार्थीहरुलाई महिला हिंसा र यसको निराकरणका लागि अपनाउनु पर्ने विषयका बारेमा जानकारी गराएको थियो ।
पोखरा लेडी जेसीज वर्ष २०२२ का अध्यक्ष लक्ष्मी अधिकारीको सभापतित्व तथा पोखरा महानगरपालिका वडा नं २६ का वडा अध्यक्ष नारायण बरालको प्रमुख आतिथ्यतामा सम्पन्न कार्यक्रममा लेखनाथ जेसीजका अध्यक्ष सुजन न्यौपाने, युवा उद्यमी तथा समाजसेवी पुष्प ज्योति ढुङगानाले शुभकामना मन्तव्य राखनु भएको थियो । कार्यक्रममा प्रहरि नायव निरिक्षक नारायण प्रसाद पौडेल प्रमुख स्रोत व्यक्ति रहनु भएको थियो । साथै महिला मानव अधिकार रक्षक संजाल गन्डकी प्रदेश संयोजक ईन्द्रा शर्मा तथा महिला मानवअधिकार रक्षक संजाल कास्कीका पूर्व अध्यक्ष अधिवक्ता श्री जानकी शर्मा स्रोत व्यक्ति रहनुभएको थियो ।
उहाहरुले घरेलु हिंसा, लैगिक हिंसा र नारी सजकता सम्बन्घि विभिन्न महत्वपुर्ण भनाइहरुबाट विधार्थी छात्राहरुलाई सचेत रहनु पर्ने र प्रविधिको दुरुपयोग नगरी सकरात्मक सदुयोग गर्नुपर्छ भन्ने चेतना मूल्क सन्देशहरु प्रदान गर्नु भएको थियो । साथै सहभागि विद्यार्थीहरुको तर्फबाट आएका प्रश्नहरुलाई सहज र सरल तरिकाबाट प्रस्ट पार्नु भएको थियो । कार्यक्रममा अतिथिको रुपमा लक्ष्मी मा। वी का प्र अ।जगनाथ अधिकारी, लक्ष्मी मा। वि का शिक्षक शिक्षीकाहरुलगायत पोखरा जेसिज , लेखनाथ जेसिजका सदस्य हरू ,विभिन्न अतिथि ज्यूहरुको उपस्थितीमा कार्यक्रम समपन्न भएको थियो ।
कार्यक्रममा प्रमुख आमन्त्रित व्यक्तिव नारायण बरालले पोखरा लेडि जेसीजले यस्तो राम्रो समय सान्र्दभिक कार्यक्रम गरेकोमा धन्यवाद प्रकट गर्दै आगामी दिनमा पनि यसता कार्यक्रमको आवश्यकता रहेको जानकारी गराउनु भएको थियो । लक्ष्मी अधिकारीले भाईवहिनिहरूलाई सजक तथा सचेत भई अपरिचित ब्यक्तिहरूसंग सजक रहनुपर्ने र अभिभावकलाई साथिको रूपमा लिदै घरमा , स्कलमा कुनै दुरब्यवार भए नहिचकाई भन्न आग्रह गर्नुभयो । जेसीज आस्था पाठ सामुदायिक बिकास क्षेत्रका निदेशक जेसी दिपा तिवारीरेग्मीले गर्नु भएको थियो । स्वागत मन्तव्य कार्यक्रम संयोजक उपाध्यक्ष सम्झना थापा क्षेत्रिले तथा संचालन सचिव प्रमिला सुवेदीले गर्नु भएको थियो ।
प्रतिक्रिया लेख्नुहोस्:-