वडा १ मा गठबन्धनबाट सिता गुरुङको चर्चा

पोखरा÷ स्थानीय तहको निर्वाचनका लागि पोखरा महानगरपालिका १ मा पाँच दलको गठबन्धन उम्मेदवार हुने भएको छ ।

नेपाली कांग्रेसकी सिता गुरुङलाई वडा अध्यक्षको उम्मेदवार बनाउने निश्चित भएको छ । समाजसेवीको रुपमा परिचित गुरुङले वडा १ मा मात्र नभई समग्र पोखरामा राम्रो छाप समेत बनाएकी छिन् ।

सामाजिक अभियन्ताकै रुपमा चिनिएकी उनले अबको निर्वाचनमा अघिल्लो वडा अध्यक्षले गरेका कमि कम्जोरीलाई केलाउँदै ति सबै पुरा गर्ने हिसाबले अघि बढ्नुपर्नेमा जोड दिएकी छिन् ।

उनले नेपाली कांग्रेस वडा इकास समितिको सम्पर्क कार्यालय स्थापना कार्यक्रममा बोल्दै लोकतन्त्रको रक्षाका निमित्त गठबन्धन आवश्यक रहेकाले केन्द्रिय समितिको निर्णय सबैले मान्नुपर्ने बताईन् ।

अघिल्लो निर्वाचनमा भएको अन्तरघात अबको निर्वाचनमा नगर्न आग्रह गर्दै उनले सबै मिलेर एक हुन आवश्यक रहेको सुनाईन् । ‘ यो वडा बनाउन हाम्रो जित सुनिश्चित हुनुपर्छ ।

एमालेबाट विजयी भएको वडा अध्यक्षको काम हामीले देखेका छौँ त्यसैले पनि हामीले जित्नै पर्नेछ । अब घात अन्तरघात हुनु हुँदैन । मतदाताको मन जित्ने गरी हामी सबै लाग्न आवश्यक छ’ उनले भनिन्,‘ उम्मेदवारले मात्र गरेर हुँदैन ।

यसका लागि सबै कार्यकर्ता लाग्न आवस्यक छ ।’ वडा अध्यक्ष हुन नपाएर चित्त नदुखाउन समेत उनले आग्रह गरिन् । अहिले आफ्नो स्वार्थ भन्दापनि समग्र राष्ट्रलाई हेर्नुपर्ने बाध्यता रहेको उनले सुनाइन् ।

यस्तै वडा १ का निवर्तमान सभापति एवम् अघिल्लो निर्वाचनका वडाध्यक्षका उम्मेदवार टंकनाथ पौडेलले पहिलाको जस्तो अन्तरघात नगर्न आग्रह गरे । उनले पार्टीमा एक इमान्दार सिपाही भएर लाग्न अनुरोध गरे ।

कार्यक्रममा ठबन्धनका वडा कमिटिका पदाधिकारीको समेत उपस्थिति रहेको थियो । कार्यक्रममा गोविन्द नेपाली, जित ब गुरुङ, मिना पाण्डे, भानुभक्त अधिकारी लगायतले भनाई राखेका थिए ।