पोखरा–पोखरा महानगरपालिका वडा ८ को आयोजनामा वडा ८ स्तरीय वडाध्यक्ष कप व्याडमिण्टन प्रतियोगिता शुरु भएको छ ।
युनिक व्याडमिण्टन क्लबको संयोजनामा सोमबारदेखि प्रतियोगिता सुरु भएको हो ।
प्रतियोगिताको पोखरा महानगरपालिकाकी उप–मेयर मञ्जुदेवी गुरुङ्गले महानगरले स्वास्थ्य नागरिक उत्पादनका लागि खेलकुदलाई प्राथमिकतामा राखेको बताइन् ।
स्वाथ्य र अनुशासित समाज निर्माणका लागि खेलकुद महत्वपूर्ण हुने उनको भनाई थियो । महानगरका प्रवक्ता धनबहादुर नेपालीले आपसमा भाइचारा सम्बन्ध प्रगाढ गर्न खेलकुद माध्यम बन्ने बताए ।
सृजनाचोकस्थित बराल समाज घरभित्रको व्याडमिण्टन कोर्टमा आयोजित प्रतियोगिताको उद्घाटन खेलमा वडाध्यक्ष रुद्रनाथ बराल र श्रीराम घिमिरेको जोडीले सरोज श्रेष्ठ र लेखनाथ न्यौपानेको जोडीमाथि जित हाँसिल गर्दै विजयी शुरुवात गरेका छन् ।
प्रतियोगितामा ओपनतर्फ नविन गुरुङ्ग र पिटर गुरुङ्गको जोडीले जगन घले र देवेन्द्र गुरुङ्गको जोडीलाई तथा सुरेस तामाङ्ग र नारायण रानामगरको जोडीले दिपक लामिछाने र रामचन्द्र रामदासको जोडीलाई पराजित गर्र्दै फाइनलमा स्थान बनाएका छन् ।
भेट्रान्सतर्फ सूर्य अधिकारी र काशि शर्माको जोडीले रविन धमला र गोविन्द बरालको जोडीलाई तथा विवेक सुवेदी र फुर्वा छिरिङ्ग गुरुङ्गको जोडीले जितबहादुर कुँवर र जसबहादुर गुरुङ्गको जोडीलाई पराजित गर्दै फाइनलमा प्रवेश गरे ।
मंगलबार विहान प्रतियोगिताको फाइनल खेल हुने आयोजक वडाका सदस्य किरण गौतमले जानकारी दिए ।
प्रतिक्रिया लेख्नुहोस्:-