पोखरामा आइतबारदेखि खुल्ला तथा भेट्रान्स टेनिस प्रतियोगिता हुने भएको छ । कास्की जिल्ला टेनिस संघको आयोजनामा पोखरा रंगशाला स्थित टेनिस कोर्टमा १८ औँ संस्करणको माछापुच्छ«े पोखरा खुल्ला तथा भेट्रान्स टेनिस प्रतियोगिता हुन लागेको हो ।
प्रतियोगिताबारे शुक्रबार पत्रकारसम्मेलन मार्फत जानकारी दिँदै संघका अध्यक्ष लोकबहादुर गुरुङले टेनिस खेलको विकासका लागि निरन्तर प्रतियोगिता हुँदै आइरहेको जानकारी दिए ।
उनले आइतबार देखि हुने प्रतियोगिता ५ दिनसम्म चल्ने बताए । प्रतियोगिताको महिला÷पुरुष एकल तथा सामुहिक तर्फको प्रतिस्पर्धा हुने बताए ।
खुल्ला महिला तथा पुरुष प्रतिस्पर्धा हुनेछ भने भेट्रान्सतर्फ ३५ वर्षमाथि, ४५ वर्षमाथि, ५५ वर्ष माथि र ६५ वर्षमाथि उमेर समुहको प्रतिस्पर्धा हुनेछ ।
खुल्लातर्फ एकल विधा (महिला तथा पुरुष) विजेताले समान ८० हजार रुपैँया तथा उपविजेताले समान ४० हजार रुपैँया प्राप्त गर्नेछन् ।
यस्तै सामुहिक तर्फका विजेताले ३० हजार रुपैँया तथा उपविजेताले १५ हजार रुपैँया प्राप्त गर्नेछन् ।
३५ वर्षमाथि एकल तर्फका विजेताले ६० हजार रुपैँयाँ र उपविजेताले ३० हजार रुपैँया, सामुहिक तर्फको विजेताले २० हजार रुपैँया र १० हजार रुपैँया प्राप्त गर्नेछन् ।
उता ४५ वर्ष माथि उमेर समूह एकल तर्फका विजेताले ४० हजार रुपैँया तथा उपविजेताले २० हजार रुपैँया, सामूहिक तर्फ २० हजार रुपैँया र १० हजार रुपैँया ।
५५ वर्ष माथि एकल तर्फ ३० हजार रुपैँया र १५ हजार रुपैँया तथा सामूहिक तर्फ २० हजार रुपैँया र १० हजार रुपैँया प्राप्त गर्नेछन् । ५५ वर्ष माथि भने एकल तर्फमात्रै हुनेछ । उक्त विधाका विजेताले १५ हजार रुपैँया तथा उपविजेताले १० हजार रुपैँया प्राप्त गर्नेछन् ।
प्रतिक्रिया लेख्नुहोस्:-