पोखरा, ६, भदौ । मानवीय सेवा अभियानले सञ्चालन गरेको कुलचन्द्र स्मृति कृषि सम्मान २०७८ बाट पोखराकी सावित्री घिमिरे सम्मानित भएकी छिन् ।
उद्यमी तथा समाजसेवी व्यक्तित्व स्व. कुलचन्द्र बास्तोलाको स्मृतिमा परिवारले प्रदान गर्ने पुरस्कार यो बर्ष कौसी खेती गर्दै आएकी घिमिरेलाई प्रदान गरिएको हो ।
मानवीय सेवा अभियानका अध्यक्ष एवम् पत्रकार सुष्मा पौडेलले सम्मान हस्तान्तरण गरेकी हुन् । घिमिरे नगद सहित सम्मानित भएकी हुन् ।
स्व.बास्तोलाले कृषि क्षेत्रमा पुर्याएको अतुलनीय योगदानको कदर गर्दै स्थापना गरिएको कृषि सम्मानवाट कौसी खेती तथा जनजागरणमा योगदान पुर्याउने घिमिरेलाई सम्मान गरिएको पौडेलले बताइन् ।
परिवारले उनको सम्झनामा कृषि सम्मन र बार्षिक पुन्य तिथीमा मानव सेवा आश्रममा सहयोग समेत गरेको छ ।
सम्मानित हुदैँ घिमिरेले घरमै आएर आफुले गरेको मेहनतको कदर भएकोमा खुसी व्यक्त गरिन् । उनले आगामी दिनमा समेत सक्रिय भएर लाग्ने उत्प्रेरणा मिलेको बताइन् ।
उनले सम्मान मार्फत पाएको रकम बरावर थप गरि मानवीय सेवा अभियानलाइ नै हस्तान्तरण गरेकी छिन ।
कार्यक्रममा एयरपोर्ट टोल विकास संस्थाका अध्यक्ष श्याम श्रेष्ठ , नागबेली आमा समुहका संस्थाप अध्यक्ष गिता पौडेल लगायतले बोलेका थिए ।
अभियानका उपाध्यक्ष मेघमान श्रेष्ठले अभियानले गरेका गतिविधि बारे जानकारी तथा कार्यक्रम संयोजक पिडी सिग्देलले सामाजिक ब्यक्तित्व कुलचन्द बास्तोलाले समाजमा पुर्याएको योगदान बारे चर्चा गरेका थिए ।
कार्यक्रममा अभियानका सदस्य दिपा पौडेल लक्ष्मी थापा लगायतको उपस्थिति रहेको थियो भने कार्यक्रम सञ्चालन महासचिव सावित्री शर्माले गरेकी थिइन् ।
प्रतिक्रिया लेख्नुहोस्:-