पोखरा । नेपाली लोक तथा तीज गीतको क्षेत्रमा सक्रिय गायिका रिना केसीले यस वर्षको हरितालिका तीजलाई लक्षित गर्दै नयाँ तीज गीत ‘बारीको अरीमैले’ सार्वजनिक गरेकी छन्।
केसीले आफ्नै युट्युब च्यानलमार्फत सार्वजनिक गरेको गीतमा नेपाली मौलिकता, तीजको सांस्कृतिक भावना तथा मायाप्रेमका भावनालाई लोकशैलीमा प्रस्तुत गरिएको छ। तीजको मौलिक सांस्कृतिक पक्षलाई जीवन्त रूपमा प्रस्तुत गर्ने प्रयास गरिएको गीतले दर्शक–श्रोताको मन जित्ने अपेक्षा गरिएको छ।
‘बारीको अरीमैले’ गीतमा युस्कल छिनालको लय, निसा सुनारको शब्द र रिना केसीको स्वर रहेको छ। गीतको भिडियोमा रीना गुरुङले अभिनय गरेकी छन् भने भिडियोको कथा तथा निर्देशन समीर रम्दामले गरेका छन्।
तीज पर्वसँग जोडिएका मौलिक भावना, प्रेम, सम्बन्ध र नेपाली लोकजीवनका विविध पक्षलाई गीत तथा भिडियोमार्फत प्रस्तुत गरिएको छ। विशेषगरी तीजको सांस्कृतिक परिवेशलाई लोकशैलीमा प्रस्तुत गरिएकाले गीतले दर्शक–श्रोताको सकारात्मक प्रतिक्रिया पाउने विश्वास गायिका केसीले व्यक्त गरेकी छन्।
गीत सार्वजनिक गर्दै गायिका केसीले दर्शक–श्रोताहरूलाई गीत हेर्न तथा सुन्न आग्रह गर्दै मन परेमा लाइक, कमेन्ट र सेयर गरेर माया, साथ र हौसला प्रदान गरिदिन आग्रह गरेकी छन्।
गायिका केसीका अनुसार ‘बारीको अरीमैले’ केवल तीजको अवसरमा सार्वजनिक गरिएको गीत मात्र नभई नेपाली लोकसंस्कृति, मौलिकता र तीजको सांगीतिक मिठासलाई समेटिएको सिर्जना हो। गीतले नेपाली लोक तथा तीज गीतप्रेमी दर्शक–श्रोतामाझ आफ्नो छुट्टै पहिचान बनाउने विश्वास गरिएको छ।
प्रतिक्रिया लेख्नुहोस्:-