लमजुङमा स्थापित लमजुङ मर्स्याङ्दी युवा क्लवले हरितालिका तीजको अवसरमा तीज उत्सव २०८० आयोजना गर्ने भएको छ ।
बेंसीसहर नगरपालिका ८ मा रहेको क्लवले फूलबारी मञ्चमा तीजका दिन असोज १ गते विभिन्न सांगीतिक तथा साँस्कृतिक कार्यक्रम आयोजना गर्ने भएको छ । उत्सव अन्तर्गत सातौं खुला तथा पाँचौ व्याडमिन्टन प्रतियोगिता आयोजना गर्ने भएको छ ।
प्रतियोगितामा प्रथम पुरस्कार ३० हजार रुपैयाँ, मेडल र प्रमाण पत्र राखिएको छ । दोस्रो पुरस्कार २० हजार रुपैयाँ, तेस्रो पुरस्कार १० हजार मेडल र प्रमाण पत्र राखिएको छ । सान्त्वना टीमलाई १०हजार रुपैयाँ राखिएको छ । दर्ता शुल्क १ हजार ५ सय रुपैयाँ राखिएको छ ।
नृत्य प्रतियोगिता तर्फ प्रथम पुरस्कार १५ हजार रुपैयाँ, प्रमाणपत्र राखिएको छ ।दोस्रो पुरस्कार १० हजार रुपैयाँ, तेस्रो पुरस्कार ८ हजार रुपैयाँ र प्रमाण पत्र राखिएको छ । सान्त्वना टीमलाई ५ हजार रुपैयाँ राखिएको छ । दर्ता शुल्क ३ सय रुपैयाँ मात्र राखिएको छ ।
क्लवका कार्यबहाक अध्यक्ष विजय कुमार श्रेष्ठले विगतदेखि लमजुङ मर्स्याङ्दी युवा क्लवले तीज उत्सवका कार्यक्रम गर्दै आएको र यसवर्ष पनि निरन्तरता दिएको बताए । तीज उत्सवको कार्यक्रम समय अनुकुल परिमार्जन गर्दै लगिएको उनले बताए ।
क्लवका सचिव रियाज मियाँले समाजमा खेलकूदको विकास तथा नवप्रतिभाहरुको क्षमताको पहिचान हुने, आन्तरिक पर्यटनको विकासमा टेवा पग्ने, महिला हिंसामा कमी तथा महिला सशक्तिकरणमा वद्धि हुने अपेक्षासहित तीज उत्सवका कार्यक्रम गर्न लागिएको बताए ।
क्लवले समाज रहेका विकृति विसंगति, रुढीवादी परम्परालाई हटाउँदै समाजमा सुशासन, शान्ति र अमनचयन स्थापना गर्नका साथै लागूऔषध दुव्र्यसनीको विरुद्धमा अभियान सञ्चालन गर्दै आइरहेको क्लवले जनाएको छ ।
क्लवले आगामी दिनहरुमा खेलकुदका विकास, संस्कृतिको संरक्षण, युवा सशक्तिकरण, लागू औषध दुव्र्यसनीविरुद्धका कार्यक्रम तथा समाजलाई सकरात्मक वाटो तर्फ अगाडि वढाउने अभियान सञ्चालन गर्ने जनाएको छ ।
क्लवले विगतको वर्षहरुमा लजमङ मर्स्याङ्दी युवा क्लवले सञ्चालन गर्दै आएको तीज उत्सवलाइ सफल पार्न विभिन्न संघ संस्था, उद्योगधन्दा, कलकारखाना, सरकारी तथा गैरसरकारी संस्था र स्वदेश तथा विदेशमा रहनुभएका क्लवमा आवद्ध शुभचिन्तकहरुप्रति धन्यवाद ज्ञापन गर्दै यस पटकको कार्यक्रममा पनि भौतिक, आर्थिक र नैतिक सहयोगको अपेक्षा गरेको छ ।
प्रतिक्रिया लेख्नुहोस्:-