आरतीबाट मासिक दुई लाख भेटी संकलन
पोखरा ६ तालबाराही मन्दीरमा हुने आरतीबाट मासिक दुई लाख भेटी संकलन हुँदै आएको छ । धार्मिक पर्यटनलाई आकर्षित गर्दै आइको सन्ध्याकालिन आरतीमा आउने भक्तजनहरुले चन्दा, भेटी तथा सदस्य स्वरुप प्रदान गर्ने रकम मासिक दुई लाखको हारहारीमा संकलन हुँदै आएको छ । पाँच वर्षदेखी निरन्तर आरती हुँदे आएकोमा तालबाराही आरती सेवा समितिले पाँचौ वार्षिकोत्सव समेत मनाएको छ । एक समारोहका बीच वार्षिकोत्सव सम्पन्न गरेको हो ।
वार्षिकोत्सव कार्यक्रममा बोल्दै जिल्ला प्रशासन कार्यालय कास्कीका प्रमुख जिल्ला अधिकारी बासुदेव घिमिरेले आरतीले आध्यात्मिक शान्ति मिल्ने बताए । पर्यटकीय क्षेत्रमा रहेको तालबाराहीमा निरन्तर आरती हुँदा धार्मिक पर्यटकलाई आकर्षण गर्ने बताए । उनले पर्यटन विकासका लागि भन्दा पनि अध्यात्मिक र मन शान्तिका लागि आरतीको महत्व रहेको सुनाए । जुन सुकै धर्म भएपनि त्यसको मुख्य उदेश्य शान्ति कायम गर्नु रहेको उनले सुनाए । तालबाराहि आरती समितिका अध्यक्ष मंगल नेपालीले बर्खाको समयमा आरती गर्न निकै सकस हुने गरेको सुनाए । भारतमा मात्रै हुने आरती विस्तारै पशुपतिनाथ हुँदै पोखरामै हुन थालेको उनले सुनाए । सुरुवातमा आरती गर्दा निकै खर्च हुने र त्यसको जोहो गर्न मुस्किल हुँदैअँएपनि अहिले भने भक्तजनको भेटीले सहजता हुँदै आएको उनले सुनाए ।
संस्थाका उपाध्यक्ष रामप्रसाद सिक्देलले धार्मिक पर्यटन भित्र्याउन र उनीहरुको बसाई एक दिन भएपनि बढाउन सन्ध्याकालिन आरतीले महत्वपूणृ भूमिका खेल्ने बताए । आरती आधात्मिक बनाउन, विभिन्न समयमा तालमा मृत्यु भएकाको आत्मा शान्तीको कामनाका लागि समेत गर्ने गरेको उनले बताए ।
प्रतिक्रिया लेख्नुहोस्:-