चितवन । माओवादी केन्द्रका अध्यक्ष पुष्पकमल दाहालले चितवन निर्वाचन क्षेत्र नम्बर ३ अन्तर्गतको शिवनगरस्थित मतदान केन्द्रमा मतदान गरेका छन् । दाहालले भरतपुर १४ शान्तिपुर नेपाल प्रहरी विद्यालयको केन्द्रबाट पहिलो मतदान गरेका हुन् ।
माओवादी अध्यक्ष दाहाल आफू गोरखा क्षेत्र नम्बर २ बाट उम्मेदवार भए पनि चितवनका मतदाता हुन् । चितवन जिल्ला निर्वाचन कार्यालयका प्रमुख भीमसेन कार्कीका अनुसार चितवनमा १६२ मतदान स्थलमा ४६० मतदान केन्द्र रहेका छन् । चितवनमा कुल मतदाता ४ लाख ८ हजार ३ सय ४२ छन् । जसमा पुरूषभन्दा महिला मतदाता धेरै रहेका छन् ।
प्रतिक्रिया लेख्नुहोस्:-