पोखरा । घरदैलो कार्यक्रममा व्यस्त छन् सबै राजनीतिक दल यतिबेला । कास्की क्षेत्र नं ३ बाट (१) बाट स्वतन्त्र उम्मेदवार बनेका खेम तिमिल्सना पनि व्यस्त छन् चुनावीमा माहोलमा । मतदानको दिन नजिकिँदै छ ।
बजारमा चुनावको सरगर्मी तेज छ । घरदैलो कार्यक्रम तिव्र छ । सबै दलको आ—आफ्नै तरिका छ कार्यक्रमका लागि । तर, खेमको भने फरक । उसो त चुनावको सरगर्मी बढे पनि मतदातामा उत्साह भने देखिँदैन । विकास र सम्वृद्धिको आश्वासन दिएर मुख फर्काएका नेता मत माग्दै यतिबेला मतदाताको आँगनमा छन् । उनीहरुको प्रश्न छ दिएको र भनेको प्रतिबद्धता कति पुरा भए ? दल नाजवाफ छन् । राजनीतिप्रतिको वितृष्णाले पनि होला मतदातामा निर्वाचनको उत्साह हराएको । राजनीतिक विज्ञहरुपनि सोही टिप्पणी गर्छन् । मतदाताबीच दलप्रति आशा मरेको बेला उत्साह भने थोरै कायमै छ । लौरो लिएर अभियान थालेको युवाको टोलीले खबरदारी गर्दै छ । मतदातालाई जित्न खोज्दै छ । मतदाता लौरो अभियानमा तानिएका छन् ।
त्यसैले पनि लौरो बोकेर खेम घरदैलोमा जाँदा मतदाता खुशी देखिन्छन् । आशा पलाएको बताउँछन् । एमालेको पकड क्षेत्र मानिन्छ कास्कीका क्षेत्र । क्षेत्र नं ३ (१) मा पनि एमाले र कांग्रेसकै वर्चश्व छ । सतहिमा टिप्पणी गर्दा यी दुई ठुला दल बाहेक अन्यलाई अवसर नभए जस्तो देखिन्छ । तर, ग्राउण्ड लेबलमा पुग्दा भने परिस्थिति उल्टिएको छ । यसपालि मतपरिणाम फरक हुने देखिएको छ ।
ठुला दलको पकड रहेको क्षेत्रमा खेम पुग्दा सकरात्मक प्रतिक्रिया पाउँछन् । वृद्धहरुले उनलाई आफ्नो लाठी बन्ने आश राखेका छन् । युवा नेतृत्व आउन खोज्दा युवा मतदाता पनि उत्साही छन् । त्यसलै त अधिकांश मतदाताको एकै स्वर छ – अबको भोट लौरोलाई, खेम तिमिल्सिनालाई ।
घरदैलोको क्रममा लौरो बोकेर बिना कुनै तामझाम पुगेका थिए खेम । एकजना वृद्धको घरमा गएर रोकिए । ठुला दलको लागि एकछापे बनेकी हुन् आफनो मत बदल्दै छिन् यतिबेला । आजित छिन् उनी दलको झुठो आश्वासनबाट । विकासको लागि आशा खेमबाट गरेकी छिन् ।
भन्छिन् – ‘लौरोमा भोट दिने भनेर हामीले भनेका थियौँ तपाईहरु आउनुभयो खुशी लाग्यो । सबै आए गए । हाम्रो लागि केही गरेनन् । बाबु अब तिमीले गछौँ । लौरोले गर्छ भन्छन् । हामी पनि लौरोलाई भोट दिन्छौँ ।’
वृद्ध देखि युवा मतदाताको साथ छ खेमलाई युवा मतदाताले पनि आश राखेका छन् उनीसँग । कार्यक्रममै एकजना युवा मतदाता भेटिए । यसअघि उनले पनि ठुला भनिएका दललाई मत दिएका थिए । तर, जुन अपेक्षाले मत उनले दिए । त्यो पूरा भएन । असन्तुष्टी छ उनमा । युवा माझ असन्तुष्टी बन्दा साथ दिन आइपुगेका छन् खेम । जनतालाई साथ दिन आएका खेमलाई मतदाताको पनि साथ आवश्यक छ बुझदै छन् मतदाताले पनि ।
‘युवाको लागि काम गछौँ । रोजगार दिन्छौँ । हाम्रो ठाउँ विकास गछौँ भने । अहिले दैनिक विदेश जानेको संख्या बढ्दो छ । हामी जस्तो युवाहरु अलपत्र छौँ । हामीलाई सरकारले केही गरेनन् ,’ती युवाले भने,‘हाम्रो आशा अब युवा नेतृत्वसँग जोडिएको छ । अब लौरो आउनुपर्छ सरकारमा तब देश बन्छ विकास हुन्छ ।’
खेम पनि भन्छन् आफनो उम्मेदवारी देशको लागि हो । परिवर्तनको लागि विद्रोह आवश्यक छ । त्यो विद्रोह गर्दै छन् खेम । दलहरुलाई लौरो बोकेर खबरदारी गर्दै छन् ।
‘हाम्रो उम्मेदवारी भनेको खबरदारी हो । कुनैपनि युवाले विद्रोह गर्न खोजेको हो । आज देशैभरिबाट लौरो लिएर युवाहरु उठिरहेका छन् । यो परिवर्तनको लागि विद्रोह हो । देशको विकास युवाको काँधमा छ । हाम्रो जिम्मेवारी हो विकास । म हिँडेको बाटोमा तपाईँहरुको साथ आवश्यक छ । म सफल हुन तपाईको मत चाहिन्छ । परिवर्तन चाहानुहुन्छ भने युवालाई विश्वास गर्नुस् । मलाई तपाईँको आड टेक्ने लौरो ठान्नुस्,’खेमले भने ।
प्रतिक्रिया लेख्नुहोस्:-