काठमाडौं । कास्की, पोखरा महानगरपालिका ३० पावरहाउस चोकबाट विभिन्न नियन्त्रित लागूऔषध सहित सोही महानगरपालिका ३० लामाचौर बस्ने २२ वर्षीय अजय जिसी र चितवन रत्ननगर नगरपालिका १२ बस्ने २५ वर्षीय समिर कोईरालालाई सोमबार बेलुकी प्रहरीले पक्राउ गरेको छ ।
वडा प्रहरी कार्यालय गगनगौंडाबाट खटिएको प्रहरीले भैरहवाबाट पोखरातर्फ आउँदै गरेको लु १ ख ८१५७ नम्बरको बसमा सवार अजयलाई नियन्त्रित लागूऔषध नुर्फिन ७० एम्पुल, डाईजेपाम ७० एम्पुल र फेनारगन ७० एम्पुल सहित र नारायणगढबाट पोखरातर्फ आउँदै गरेको ग १ ख ३०६५ नम्बरको हाईसमा सवार समिरलाई नुर्फिन १ सय एम्पुल, डाईजापाम १ सय एम्पुल र फेनारगन १ सय एम्पुल सहित फेला पारी पक्राउ गरेको हो ।
प्रतिक्रिया लेख्नुहोस्:-