पोखरा महानगरपालिका वडा नम्बर १८ मा नेपाली कांग्रेसका उम्मेदवार बिजयी भएका छन् । आज विहान सम्पन्न मत गणनामा पोखरा–१८ को वडाध्यक्षमा नेपाली कांग्रेसका उम्मेदवार शिवप्रसाद तिमिल्सना विजयी भएका हुन् । उनी नेकपा एमालेका उम्मेदवार पुष्कलबहादुर थापालाई ३ मतान्तरले पराजित गर्दै विजयी भएका हुन् । विजयी तिमिल्सिनाले १६४३ मत प्राप्त गरे भने पराजित थापाले १६४० मत प्राप्त गरे ।
महिला सदस्यमा एमालेकी उम्मेदवार कल्पना ढकाल क्षेत्री १८२८ मत पाएर विजयी हुँदा कांग्रेस उम्मेदवार समुन्द्र थापाले १५२९ तथा दलित महिला सदस्यमा एमाले उम्मेदवार मीनाकुमारी नेपाली १८५६मत ल्याएर विजयी हुँदा कांग्रेस उम्मेदवार सुविता नेपाली गुरुङ १४८५ मत पाएर पराजित भईन् ।
खुल्ला दुई सदस्यमा एमालेका नमराज सुवेदी १७४९ र रमेशबहादुर थापा १८५६मत पाएर विजयी हुँदा कांग्रेसका उम्मेदवार कृष्णबहादुर थापा १३७६ र बुद्धि पुन १४०१ मत पाएर पराजित भए ।
उक्त वडामा करिब ३० वर्ष अघि देखी एमालेले विजयी हुदै आएको वडा हो ।
प्रतिक्रिया लेख्नुहोस्:-