गोरखा – गोरखाको अजिरकोट गाउँपालिकाको अध्यक्ष र उपाध्यक्ष दुवै पदमा नेकपा माओवादी केन्द्रका उम्मेदवार विजयी भएका छन् । अध्यक्षमा दीपक देवकोटा र उपाध्यक्षमा अनिता भुजेल विजयी हुनुभएको छ ।
देवकोटाले तीन हजार सात सय ८७ मत प्राप्त गर्नुभएको छ उहाँका प्रतिद्वन्द्वी नेपाली कांग्रेसका गोविन्द गुरुङले तीन हजार दुई सय ८९ मत प्राप्त गर्नुभएको निर्वाचन अधिकृत कमलराज भण्डारीले बताउनुभयो ।
उपाध्यक्षमा विजयी भुजेलले तीन हजार पाँच सय ३२ मत प्राप्त गर्दा उहाँका प्रतिद्वन्द्वी कांग्रेसकै इन्द्र गुरुङले तीन हजार तीन सय ६१ मत प्राप्त गर्नुभयो ।
यो पालिकाको पाँच वटा वडामध्ये तीन वटामा माओवादी केन्द्र र दुई वटा वडामा कांग्रेसका उम्मेदवार विजयी भएका छन् ।
प्रतिक्रिया लेख्नुहोस्:-