पोखरा महानगरपालिकाको ३ हजार पाँच सय मत गणना हुँदा गठबन्धनले अग्रता लिएको छ ।
गठबन्धनबाट मेयर पदका उम्मेदवार धनराज आचार्यले १ हजार ३ सय ४९ मत प्राप्त गरे भने नेकपा एमालेका कृष्ण थापाले १ हजार २ सय ५० मत प्राप्त गरे । राप्रपाका शंकर खरालले १ सय ९३ मत ल्याए भने स्वतन्त्र उम्मेदवार गणेश पौडेलले ७३ मत प्राप्त गरे । यस्तै उपमेयरमा पनि गठबन्धनकै अग्रता रहेको छ । गठबन्धनका कोपिला रानाभाटले कोपिला रानाभाट १ हजार ४ सय ५०
मत प्राप्त गर्दा एमालेकी मञ्जुदेवी गुरुङले मञ्जु गुरुङ १ हजार ४ सय ५ मत प्राप्त गरिन् । राप्रपाकी रञ्जना सेन पौडेले १ सय ७६ मत प्राप्त गरिन् ।
कास्कीकै रुपा गाउँपालिकामा नेकपा एमालेले अग्रता लिएको छ । एमालेका नवराज ओझाले मतान्तर निकै बढाउँदै गइरहेका छन् । उनले २ हजार पाँच सय ९६ मत ल्याउँदा नेपाली कांग्रेसकी गिमाया गुरुङको २ हजार ७९ मत रहेको छ । उपाध्यक्षमा एमालेकी लालसुब्बा गुरुङले २ हजार ४ सय ७८ मत ल्याउँदा नेपाली कांग्रेसका नारायण श्रेष्ठले २ हजार १ सय ५० मतसहित पछ्याइरहेका छन् । उक्त पालिकाको वडा नम्बर १ मा नेपाली कांग्रेस र २ नम्बर वडामा नेकपा एमालेको प्यानलै विजयी भएको थियो ।
अन्नपूर्ण गाउँपालिकामा अन्नपूर्णमा नेकपा एमालेका विष्णुबहादुर खत्रीले २ हजार ३ सय २९ मतसहित अग्रता कायम राख्दा नेपाली कांग्रेसका युवराज कुँवरले २ हजार २ सय ३३ मतसहित पछ्याइरहेका छन् । उपाध्यक्षमा एमालेकी चन्द्रकला अधिकारीले २ हजार ३ सय ९ मत ल्याउँदा नेपाली कांग्रेसकी पालिका उपाध्यक्ष खिमकुमारी गुरुङले २ हजार २ सय ५७ मत ल्याइन् । उक्त पालिकाको १, २ र ३ नम्बर वडामा भने नेपाली कांग्रेसको प्यानलै विजयी भएको छ ।
कास्कीको मादी गाउँपालिकामा नेपाली कांग्रेसका देवीजंग गुरुङले २ हजार ९ सय ९६ मत सहित अग्रता लिँदा नेकपा एमालेका शिवबहादुर गुरुङले २ हजार ४ सय २४ मत प्राप्त गरेका छन् ।
मादीको उपाध्यक्षमा भने गठबन्धनमाथि नेकपा एमालेले अग्रता कायम छ । गठबन्धनबाट उम्मेदवार बनेका नेकपा माओवादीका लालबहादुर गुरुङले १ हजार ८ सय ८१ मत ल्याँउदा नेकपा एमालेकी कल्पना गुरुङले २ हजार ४ सय ८६ ल्याइन् ।
माछापुच्छे्र गाउँपालिकामा अध्यक्षमा नेपाली कांग्रेस मिन बहादुर गुरुङ ४ हजार ६ सय ५९ मत ल्याए । नेकपा एमाले विक्रम गुरुङ ४ हजार ४० मत प्राप्त गरे । उपाध्यक्षमा नेपाली कांग्रेसकी सिता अधिकारीले ४ हजार २ सय ३६ मत ल्याउँदा नेकपा एमाले सिता तिवारीले ३ हजार ७ सय १० मत ल्याइन् । नेकपा माओवादीकी प्रविना अधिकारीले ६ सय २३ मत प्राप्त गरिन् ।
प्रतिक्रिया लेख्नुहोस्:-