तनहुँको रिस्तीमा पुनः मतदान हुने भएको छ । जिल्ला निर्वाचन कार्यालय तनहुँका प्रमुख हरिप्रसाद ढकालका अनुसार व्यास नगरपालिका–८ रिस्तीमा आउँदो जेठ ४ गते पुनः मतदान हुन लागेको हो ।
व्यास नगरपालिकाका मेयर पदका उमेदवार दीपकराज जोशीमाथि आक्रमण भएको व्यास-८ रिस्तीको एक मतदान केन्द्रमा पुनः मतदान हुने भएको हो । मेयर पदका उमेदवार जोशीले उक्त स्थानमा पुनः मतदान हुने भन्दै ढुक्क भएर मतदान गर्न आग्रह गरेका छन् ।
जोशीको काठमाडौंमा उपचार भइरहेको छ । उनले आफ्नो स्वास्थ्यमा क्रमिक सुधार आइरहेको बताएका छन् ।
रिस्तीको एउटा केन्द्रमा आफ्नो एजेन्टबिना नै मतदान भएको र त्यसको अवलोकन गर्न जाँदा आक्रमण भएको जोशीले बताए थिए ।
सो स्थान कांग्रेस नेता रामचन्द्र पौडेलको गाउँ हो । त्यहाँ पुनः मतदान गर्न जोशी र एमालेले माग गर्दै आएका थिए ।
काँग्रेसका जिल्ला नेताहरूले भने जोशीले मतपत्र च्यातेको आरोप लगाएका थिए ।
प्रतिक्रिया लेख्नुहोस्:-