रामेछाप । रामेछापको दोरम्बा शैलुङ गाउँपालिकाको कन्द्र टोकरपुरस्थित थामचौरमा मतगणना स्थलमा गोली चलेको छ । मतगणना गर्ने क्रममा राजनीतिक दलहरुबीच तनाब भएपछि भिडलाई नियन्त्रणमा लिन प्रहरीले दुई राउण्ड हवाई फायर गरेको हो ।
जिल्ला प्रहरी कार्यालय रामेछापका डिएसपी राजकुमार थिङले दुई राउण्ड हवाई फायर भएको जानकारी दिए । उनले भिडलाई नियन्त्रणमा लिन प्रहरीले प्रयास गरिरहेको छ । गाउँपालिकाको वडा नम्बर १ डडुवाको मतगणना भइरहेको छ । चार सय मत गणना गर्दा पालिकामा एमालेका उम्मेदवार टंक चौलागाई २२१ र माओवादीका उम्मेदवार मैन कुमार मोक्तानले १५० मत प्राप्त गरेका छन् ।
प्रतिक्रिया लेख्नुहोस्:-