स्थानीय तहको निर्वाचनका लागि मतदान गर्न जादैँ गर्दा १४ जना मतदाताको सवारी दुर्घटनामा परी मृत्यु भएको छ ।
वालिङ नगरपालिका १४ पञ्चमुल अर्खलबासस्थित भित्रि सडकमा ग२च ३०२६ नम्बरको जिप विहान दुर्घटना भएको हो । दुर्घटनामा परी १४ जनाको मृत्यु भएको छ भने १३ जना घाइते भएका छन् । सिख्रेबाट तिवारी पसलतर्फ जाँदै गरेको उक्त जिप अनियन्त्रित भई सडकबाट ५ सय मिटर तल खसेको थियो । उक्त जिप बाट हाम्फालेर बच्न सफल भएका १६ वर्षका कुशल कुँवरको देब्रे खुट्टाको बुढि औलामा सामान्य चोट लागेको छ । उनले अन्दाजी १३–१४ वर्षका संगम कुँवरलाई पनि आफुसंगै लिएर हाम्फालेका थिए । संगमले नै जिप पल्टिन लाग्यो भनेपछि कुशलले उनलाई समातेर हाम्फालेका थिए । दुवैजना घाइते छन् । कुशलका अनुसार कच्ची सडक घुम्ती भएको ठाउँमा अगाडीको ब्रेक हान्दा चिप्लिएर पल्टिएको हो । कुशलले गाडी तिब्र गतिमा नरहेको बताए । ‘डाइभर दाईले त्यसतो त चलाउनुभएको थिएन । ओरालो घुम्तीमा चाहीँ अगाडीको ब्रेक हान्नुभयो लस्किएर खसेको हो’ कौशलले भने,‘म छतमा थिए संगम भाइले गाडी खस्यो खस्यो भनिराखेको थियो म त्यो भाइलाई पनि समाएर हाम्फाले गाडी हेर्दा त तल खसिसकेको रहेछ ।’
कुशल आफ्नो गर्भवती अवस्थामा रहेकी माइजु जमुना कुँवरसंग मदतान केन्द्र तर्फ गएका थिए ।
२ वर्षको सानो बच्च समेत रहेको जमुनाको कोखमा अर्को बच्चा समेत थियो । कुशलका अनुसार असार तिर बच्चा जन्मिने मिति थियो । सानो भाइलाई हेर्नका लागि उनी संगै गएका थिए । ‘म पनि भोट हाल्ने ठाउँमै जान लागेको थिए । माइजु सुत्केरी हुनुहुन्थ्यो अनि बच्च हेरि दिनुनुपर्छ भोट हाल्ने समयमा भन्नुभएको थियो । माइजुनि वित्नुभयो, आमा (हजुर आमा) नि वित्नुभयो । म मामा घर गएको थिए ।’ जमुना जिपको अगाडीको सिटमा बसेकी थिइन् भने आमा ४३ वर्षीया पोटकुमारीगाडी बस्नु भएको थियो आमा पछाडी हुनुहुन्थ्यो भाइहरु बाचे । जमुनाको २ वर्षिय छोरा भने घाइते मात्र भएका छन् । कुशलले कच्ची सडकले गर्दा नै दुर्घटना भएको बताउँछन् ।
मृत्यु हुनेमा स्याङजा वालिङ नगरपालिका –१४ का स्थानीयहरु छन । मृत्यु हुनेमा ६३ वर्षिय माया पुन, ९ वर्षिय प्रविन कुँवर, ५० वर्षिय कुलदिप कुँवर, ५० वर्षिय डेम कुमारी कुँवर, ८६ वर्षिय हरिकला कुँवर, ५० वर्षिय टेककला कुँवर, २५ वर्षिय जमुना कुँवर, ७० वर्षिय भिमकला कुँवर, ७० वर्षिय मुवा कुमारी कँवर, ४३ वर्षिय पोट कुमारी कुँवर, ४३ वर्षिय जानुका कुँवर, ४२ वर्षिय ज्ञानदली कुँवर, ५० वर्षिय मिना कुँवर र फुलदेवि कुँवर रहेका छन ।
त्यसैगरी घाइते हुनेमा सोहि ठाउँकै बेलमाया कुँवर, जीप चालक भुलबहादुर कुँवर, गौतमी थापा, ज्ञान माया कुँवर, सरस्वती कुँवर, कविता कुँवर, अनिष कुँवर,कुशल कुँवर, ज्यामकली कुँवर, कौशल कुँवर, सीता कुँवर र नेत्र बहादुर कुँवर रहेका छन ।
जिल्ला प्रहरी कार्यालय कास्कीका प्रवक्ता एवम् प्रहरी निरीक्षक रवीन्द्र खनालले जिपले करिब २५ जनाभन्दा बढि संख्यामा यात्रु बोक्न सक्ने रहेको जानकारी दिए । ‘जिपले मान्छे धेरै नै बोक्न सक्ने खाल्को थियो । पहिलापनि बोकि राखेकै थियो । पसल तिर झर्नेक्रममा दुर्घटना भएको रहेछ’ उनले भने,‘सडक पनि कच्ची नै रहेछ ।’
दुर्घटनाको खबर पाए लगत्तै वडा प्रहरी कार्यालय वालिङबाट प्रहरी नायव उपरीक्षक ढकेन्द्र खतिवडाको कमान्डमा १५ जनाको प्रहरी टोली घटनास्थल पुगि उद्दार गरि घटनाको अनुसन्धान गरेको थियो । गत ५ गते वालिङ नगरपालिका –१२ डाँडाखर्कमा दुर्घटना हुदा ६ जनाको मृत्यु भएको थियो । तर, घटनाबारे प्रहरीलाई थप अनुसन्धान गर्न भने कठिनाइ भएको छ । स्थानीय तहको निर्वाचन समेत भएकाले मतदान केन्द्रतर्फ जाने र मतदान स्थलमा सुरक्षा दिनुपर्ने चुनौतिले अनुसन्धानलाई प्रभाव परेको हो ।
प्रतिक्रिया लेख्नुहोस्:-