तनहुँ । तनहुँ, शुक्लागण्डकी नगरपालिका २ कोत्रेस्थित सडकबाट करिब १ किलो अवैध लागूऔषध चरेस जस्तो देखिने पदार्थ सहित बाग्लुङ मिसि गाउँपालिका ९ बस्ने ३२ वर्षीय बेगम घर्तीलाई शुक्रबार राति प्रहरीले पक्राउ गरेको छ ।
बुटवलबाट पोखरातर्फ जाँदै गरेको ग.१ ख ८५७१ नम्बरको बसलाई अस्थायी प्रहरी पोष्ट कोत्रेबाट खटिएको प्रहरीले जाँच गर्ने क्रममा बसमा सवार बेगमलाई उक्त पदार्थ सहित फेला पारी पक्राउ गरेको हो ।
यसैगरी तनहुँ आबुँखैरेनी गाउँपालिका ४ बेनिटार सडकबाट नियन्त्रित लागूऔषध नुफिन १ सय २५ एम्पुल, डाइजेपाम १ सय २७ एम्पुल र फेनारगन १ सय २६ एम्पुल सहित पर्वत कुश्मा नगरपालिका ३ बस्ने २२ वर्षीय अनिल परियारलाई शुक्रबार बिहान प्रहरीले पक्राउ गरेको छ । मुग्लिङबाट आबुँखैरेनीतर्फ जाँदै गरेको ना.५ ख ४९६७ नम्बरको बसलाई अस्थायी प्रहरी बिट मुग्लिन पुलजिप तनहुँबाट खटिएको प्रहरीले जाँच गर्ने क्रममा बसमा सवार परियारले लुकाई छिपाई ल्याएको उक्त लागूऔषध सहित फेला पारी पक्राउ गरेको हो ।
प्रतिक्रिया लेख्नुहोस्:-