स्वतन्त्र हुँ पार्टी भन्दा कम्जोर छैन : गुरुङ

पोखरा । पोखरा महानगरपालिका वडा २० मा वडा अध्यक्षमा स्वतन्त्र उम्मेदवार तोरण बहादुर गुरुङले स्वतन्त्र उम्मेदवार भएपनि कम्जोर नभएको दावी गरेका छन् ।

‘मलाइ साथ दिने हजारौ वडाबासी छन्, गुरुङले भने, ‘यो मलाइ पक्कै लाग्छ यो चुनावमा मैले बिजयी हाँसिल गर्छु । ’नेपाली कांग्रेसमा ३२ वर्ष सम्म रहेपनि पार्टीले न्याय नदिएको उनको भनाइ छ ।

नेताले काग्रेसमा तल्लो तहका कार्यकर्ताको आवज नसुन्ने आफ्नो मनोपोली गर्ने, आफ्नो नजिकको मान्छेलाई मात्र अगाडी बढाउन खोज्ने यो थिति भएको कारण आफुले स्वतन्त्र उम्मेदवारी दिएको उनले बताए ।

कांग्रेसमा मात्रै नभएर पछिल्लो समयमा अन्य पार्टीमा पनि यस्तो खालको बिद्रोह स्थिति रहेको बताए । त्यस्तै प्रवितिको सिकार आफु भएको गुरुङको दावी छ । सोही प्रवितिको विरुद्धमा आफुले उम्मेदवारी दिएको जानकारी दिए । ‘गलतको विरुद्धमा उभिनु पर्छ, ‘उनले भने,‘ म शिक्षक पनि हुँ, सामाजिक अभियान्ता पनि हुँ, कार्याकर्ता पनि हुँ ।’

मानिसलाई गलतको विरुद्धमा आवाज उठाउनु पर्छ भन्ने सन्देशको लागि पनि आफ्नो उम्मेदवारी रहेको बताए । आफ्नो लडाइ कसै प्रतिको रिसले नलडेको तर सिद्धान्त, आदर्श र नैतिकताको लागी लडेको उनले बताए ।

स्वतन्त्र उम्मेदवारको रुपमा खरायो चुनाव चिन्ह लिएर उभिएको जानकारी दिदै भलाम-मौजा बासी आम नागरिकले अत्याधिक बहुमतले विजयी गराई दिनु हुन अनुरोध समेत गरे ।
गुरुङले कृषि, रोजगार सिर्जना, होमस्टे तथा पर्यटनलाई अघि बढाई स्थानिय तवर बाट स्वरोजगार सिर्जना, खेति योग्य क्षेत्रमा कृषि सडकमा जोड्ने, राष्ट्रिय स्तरबाट सहुलियत दरमा कृषि सामग्रीहरु उपलब्ध गराउने योजना रहेको सुनाए । पोखरा २० भलाम-मौजाको आन्तरिक रिङ् रोड बनाई यातायातको पहुँच सबै गाउँ टोलमा पुर्याउने योजना रहेक समेत बताए ।

धार्मिक क्षेत्र विकासमा जोड दिन हरिहर गुफाको स्तरोन्नति गर्ने, पर्यटन बढाउने, लोप हुँदै गएको चाडवाड र संस्कृतिको पहिचान गरि यसको विकासमा जोड दिने, टोल विकास संस्थालाई पुन सङ्गठित गरि अझ सशक्त ढंगले अगाडी बढाउने लगायतका योजना रहेको सुनाए । विकास निर्माणकार्य र चाडपर्वको वार्षिक क्यालेण्डर बनाई त्यस अनुसार हरेक गाउँ-गाउँमा जात्रमेला सञ्चालन गरि आन्तरिक पर्यटनको वृद्धि गर्ने योजना सुनाए ।

(डक्टर इन्जिनियर, शिक्षक, प्राध्यापक कृषक, समाज सेवी) सबैको बिचारलाई मथेर पञ्च बर्षिय योजना सुरु गर्ने र त्यस अनुसार महानगरको बजेट, प्रदेशको बजेट र केन्द्रीय बजेटहरुलाइ व्यवस्थित तरिकाले परिचालन गर्ने, सडक उन्नतिका लागि विशेस जोड दिने योजना रहेको सुनाए ।

वडा २० लाइ ५० औं वर्ष सम्मका लागि खानेपानीको सुविधा उपलब्ध गराउने, उच्च भागमा उच्च स्थान कै मुहानहरुको प्रयोग गर्ने, पानीको दिर्घकालिन समस्या समाधानका लागि वाटर लिफ़्टिङ्ग गर्ने लगाएत शिक्षा र स्वास्थ्य विशेस जोड दिने योजनाहरु रहेको बताए।

खोर, रयालेचौर, पिपलटारी, सदडाँडा, अधिकारी टोल, घारी, अम्बडे, नाजिम, सुबेडी र रयालेचौर लगाएतका टोलहरुमा उनले प्रचार-प्रसारको लागि घरदैलोको कार्यक्रम गरेका छन् ।