माओवादीले मनाङमा अध्यक्ष च्योल्पा गुरूङ सहित सबै सदस्य निर्विरोध निर्वाचित

मनाङ । स्थानीय तहको मनोनयन दर्ता सम्पन्न नहुँदै एक स्थानीय तहको वडाध्यक्षमा भने माओवादी केन्द्रका उम्मेदवार निर्विरोध निर्वाचित भएका छन् । योसँगै पहिलो खाता भने माओवादी केन्द्रको हातमा परेको छ ।

जिल्लाको नेस्याँङ गाउँपालिका– ९ मा माओवादीको उम्मेदवारसहित सम्पूर्ण सदस्य निर्विरोध निर्वाचित भएका हुन् । वडाध्यक्षमा माओवादी केन्द्रकी च्योल्पा गुरूङ निर्विरोध निर्वाचित भएकी छन् भने सदस्यहरूमा अनिल गुरूङ, धनबहादुर गुरूङ पनि निर्वाचित भएका छन् । यस्तै महिला सदस्यमा रिया गुरूङ र दलित सदस्यमा सुष्मिता सेन्चुरी पनि निर्विरोध निर्वाचन भएका हुन् । निर्वाचन समितिले भने सबैको नाम पालिकाको अन्तिम मतगणना भएपछि मात्रै घोषणा गर्ने छ ।