पोखरा । आफुले छनौट गरेका मेयर सुनचोरीको काण्डमा मुछिएका भनि चौतर्फी आलोचना भएपछि नेकपा एमालेले पोखरा महानगरपालिकाको मेयर पदको उमेद्वार परिवर्तन गरेको छ । परिर्वतित उमेद्वारमा गण्डकी प्रदेशसभाका सांसद समेत रहेका कृष्ण थापा परेका स्रोतले बताएको छ ।
थापा यसअघि पनि मेयरका लागि सिफारिसमा परेका थिए । तर, गुटमा विभक्त कास्की एमालेको राजनीतिको शिकारका कारण उनि नेताहरुको रोजाईमा परेनन् र पुर्व मुख्यमन्त्री पृथ्वीसुब्बा गुरुङले समेत प्रदेश सांसद उमेद्वार नहुने भनेपछि उनको सिफारिस यात्रा बिचैमा रोकिएको थियो ।
पुराना नेता भनिएका एमाले उमेद्वार दिपक पौडेलले पोखरा कै एक सुनपसलबाट औँठी खेलाउँदा खेलाउदै खल्तीमा राखेको भिडियो आईतबार एक्कासी सार्वजनिक भयो । तर, नेता पौडेलले भने भिडियोमा देखिएको उक्त व्यक्ति आफु नभएको प्रतिक्रिया दिइसकेका छन् ।
भिडियो सार्वजनिक भएपछि तरङ्गित बनेको पोखराको राजनीतिमा एमालेले अव के गर्छ भन्ने दुविधाहरु थिए । मनोनयनको अन्तिम दिनमा पुनः कृष्ण थापालाई नै मेयरको टिकट दिने निर्णयमा एमाले पुगेको स्रोत भनाई छ ।
थापा पोखराका पुर्व मेयर पनि हुन् । उपप्रमुखमा भने मन्जुदेवी गुरुङलाई नै निरन्तरता दिएको छ । तर, गुरुङले सो पद अस्विकार गरेकी छिन् ।
प्रतिक्रिया लेख्नुहोस्:-