पोखरा । त्रिभुवन विश्वविध्यालय अन्तर्गत पृथ्वीनारायण क्याम्पस पोखरामा हल्ट प्राइज २०२१/२२को अन क्याम्पस ग्रेन्ड फिनाले भोलि फाल्गुन १० गते आयोजना हुने भएको छ।
विल क्लिन्टन फाउन्डेसन द्वारा सन् २००९ देखि सुरु भएको यस प्रतियोगिताका लागि यो वर्षको चुनौतीका रुपमा कोभिड १९ को प्रभावका कारण रोजगारी गुमेका र अर्थतन्त्र नै डामाडोल एवम् भताभुङ्ग भएको बेला कसरी भरपर्दो रोजगारी सिर्जना गरि , जिवनस्तर उकासी एउटा बलियो जगको निमार्ण गरि खस्किएको अर्थतन्त्रलाई एकढिक्का बनाइ सन् २०२४ सम्ममा कम्तीमा २००० जनालाई रोजगारी सिर्जना गर्नु रहेको छ ।
अन क्याम्पस फाइनलका लागि पृथ्वीनारायण क्याम्पस पोखरामा अध्यनरत ५ टोलिका १६ जना विध्यार्थीहरु प्रतिस्पर्धा गर्दै छन् । जस्मध्य Team Braves मा उत्पल पौडेल , रोशन थापा , सुदिप पौडेल ; Team Innovators मा गणेश अधिकारि, केशव बानिया , रशिक न्यौपाने ; Team Ecosys मा प्रतीक्षा सेढाई , निशान पौडेल, संगीत शर्मा ; Team Black Gold मा बिप्लवी न्यौपाने , सौगात सुवेदी , शिशिर पौडेल , सुशील अधिकारी र Team Think Together मा समिक्षा अधिकारी, सोनिपेमी मगर , प्रतीक्षा अधिकारी रहनु भएको छ। निर्णायक मण्डलमा सृजना भुरतेल( सिरु ) , प्रकाश आचार्य र अशोक खड्का रहनु भएको छ।
कार्यक्रमको लागि प्रमुख अतिथिको रुपमा पृथ्वीनारायण क्यामपसका क्याम्पस प्रमुख डा.सरोज कोईराला , विशिस्ट अतिथीको रुपमा सहायक क्याम्पस प्रमुख मीन राज लम्साल र गृह लक्ष्मी ग्यास डिलरका संस्थापक धर्म राज भुर्तेउलाको अतिथ्यता रहने भएको छ। उक्त कार्यक्रमका लागि सम्पुर्ण तयारीहरु पुरा भइसकेको र कार्यक्रम सभ्य , भव्य र मर्यादित तरिकाले सम्पन्न गर्न आयोजक कमिटी तम-तयार रहिआएको कुरा क्याम्पस डिरेक्टर दिपिका पराजुलीले हामी माझ व्यक्त गर्नुभएको छ ।
प्रतिक्रिया लेख्नुहोस्:-