पोखरा, ८ भदौ । अहिले देश कोरोना महामारीको चपेटामा परेको छ । कोरोना महामारीको समयमा जिल्ला प्रहरी कार्यालय कास्की र जिल्ला ट्राफिक प्रहरी कास्कीले तपाईको मास्क खोई ? अभियान संचालन गरिरहेका छन् । जहाँ हुनेले सहयोग र नहुनेले मास्क पाउने गरेका छन् ।
कोरोना महामारीमा अग्र स्थानमा रहेर सुरक्षा र महामारीसंग जुध्दै काम गरिरहेको सुरक्षा निकायमा माया ब्रिटिस एजुकेशनले सहयोग गरिरहेको छ । एजुकेशनले आज जिल्ला प्रहरी कार्यालय र जिल्ला ट्राफिक प्रहरी कार्यालय कास्कीमा गरी १०० प्याकेट मास्क वितरण गरेको माया ब्रिटिस एजुकेशन प्रतिनिधि संजय सुवेदीले जानकारी दिए ।
संस्थाले लामो समयसम्म छुटेका वा अंक कम भएको तर, विदेश जान चाहने विद्यार्थीको सपना पुरा गर्दै आइरहेको छ । व्यवसायका साथ साथै सामाजिक उत्तरदायित्व वहन गर्दै सहयोग गरेको उनले बताए । संस्थाले यस अघिपनि परिवर्तन नेपाललाई सहयोग गर्दै आएको र आगामी दिनमा समेत सामाजिक कार्यमा अग्रसर हुने उनले बताए ।
प्रतिक्रिया लेख्नुहोस्:-