पर्सा १ साउन । पर्साको धोरेस्थित भुटनदेवी मन्दिरमा बालविवाह गर्ने गराउने ३ जनालाई प्रहरी पक्राउ गरेको छ ।
६ महिना अघि बालविवाह गराएको भन्दै प्रहरीले दुलाह पकाहामैनपुर गाउँपालिका १ धोरेका २४ वर्षीय विशाल सहनी, सोहि स्थानका ६५ वर्षीय ठग सहनी र बारा प्रसौनी गाउँपालिका ५ बेलहीया पनटोका ४८ वर्षीय महेश सहनीलाई पक्राउ गरेको प्रहरी बताएको छ ।
जिल्ला प्रहरी कार्यालय पर्साका अनुसार महेश र ठगले आपसी सहमतीे गराई २०७७ माघ १९ गते १७ वर्षीय किशोरीसंग विवाह गराएको खुल्न आएपश्चात उनीहरुलाई पक्राउ गरेको हो ।
उनीहरु विरुद्ध मुलुकी अपराध संहिता दफा १७३ विपरीत विवाह सम्बन्धी कसुरमा म्याद थप गरी अनुसन्धान भइरहेको प्रहरीले जानकारी दिएको छ ।
प्रतिक्रिया लेख्नुहोस्:-