पोखरा २३ असार । अर्जेन्टिना ब्राजिलमा जारी कोपा अमेरिका २०२१ को फाइनलमा प्रवेश गरेको छ । बुधवार विहान भएको खेलमा अर्जेन्टिनाले कोलम्वियालाई टाइब्रेकरमा ३–२ ले हराउँदै फाइनलमा ब्राजिलसंगको भेट पक्का गरेको हो ।
निर्धारित समयको खेल १–१ गोलको बराबरीमा रोकिएपछि खेल टाइब्रेकरमा धकेलिएको हो । अर्जेन्टिनाका लागि कप्तान लियोनल मेस्सी, लियान्द्रो ड्यानियल र लोयटारो मार्टिनेजले गोल गरे ।
कोलम्बियाका लागि जुआन कोर्डाडो र मिगुइल बोर्जाले गोल गरे । अर्जेन्टिनाका राड्रिगो डि पउलको प्रहार आकाशिदा कोलम्बियाका डाभिन्सन सान्चेज, यारी मिना र इडविन कोर्डाेनाको प्रहार अर्जेन्टिनी गोलरक्षक मार्टिनेजले बचाउ गर्दै टोलीलाई जीत दिलाए ।
यस अघि खेलको सातौ मिनेटमै अर्जेन्टिनाले अग्रता लिएपनि खेलमा सम्हालिन नसक्दा जीतका लागि टाइब्रेकरको सहायता लिन बाध्य भयो । लोउटारो मार्टिनेजले गोल गर्दै अग्रता दिलाएका थिए ।
खेलको नवौ मिनेटमा कोलम्वियाका जुआन कोर्डाडोको प्रहारमा अर्जेन्टिनी गोलरक्षक इमिलियानो मार्टिनेज बाधक बने । पहिलो हाफमा १ गोलले पछि परेको कोलम्वियाले दोस्रो हाफमा गोल गर्दै खेल बराबरीमा ल्याए ।
खेलको ६२ औ मिनेटमा लुइस डियाजेले गोल गरे । कार्डानाको फ्रिकिक पासमा गोल गरे ।
कप्तान मेस्सीले गोलरक्षक मार्टिनको खुलेरै प्रशंसा गरेका छन् खेल पश्चात बोल्दै मेस्सीले गोलरक्षकमा टोलीले सधैँ विश्वास गरेको अभिव्यक्ति समेत दिएका छन् ।
‘हामीसंग एमी छन् जो उत्कृष्ट छन्’ उनले भने,‘ हामीले उनीमाथि विश्वास राखेका थियौ उनले त्यसै अनुसार खेले । लक्ष्य सबै खेलमा उच्च प्रदर्सन गर्दै फाइनल पुग्ने थियो र हामी सफल पनि भयौँं ।’
प्रतिक्रिया लेख्नुहोस्:-