पोखरा । राष्ट्रिय प्रजातन्त्र पार्टी क्षेत्र नम्वर २ ‘क’ कास्कीका प्रदेश सभा सदस्यका उमेरद्धार बिजय बहादुर भण्डारीले वडा नम्वर ३३ को भरत पोखरी, बागमाराका मतदातासँग चुनावी घर दैलो गरेका छन ।
भण्डारीले देश बिकाशको निम्ती ठुलो योजना र सपना बोकी आएको जतालाई सुनाएका थिए । हरेक नागरीकले महशुष गर्न सक्ने गरी निष्पक्ष छिटो र छरितो सेवा सुबिधा उपलब्ध गराउने बाचा गरेका छन । भुमिहिन समस्या समाधानको लागी पहल गर्नुका साथै दोहोरो कर प्रणालीको अन्त्य गरी कर संरचनामा हेरफेर गर्ने उनको योजना रहेको जानकारी दिए ।
आफ्नो प्रतिबद्धता जायर गर्दै भण्डारीले आफु युवा नेता भएको र स्वच्छ छबी समेत भएको जानकारी गराए । एक पटकको लागि राजनितीमा नआई आफु समाज सेवामा आएको उनको भनाइ छ । देश र जनतालाई आफुले कहिले पनि धोका नदिने बताउदै उनले बरु नष्ट हुने तर भ्रष्ट नहुने बताए ।
स्थानिय बासीको प्रश्नमा उनले भनेका थिए ‘ठुला पार्टीले जनताको आखाँमा छारो हाली नेताहरुले आफनो स्वार्थ लुटने र पार्टीका मानिसलाई जागीर खुवाउने थलो राजनितीलाई बनाएका छन ।’ठुला पार्टीले जस्तो गल्ती नगर्ने भन्दै भण्डारीले अब देश बचाउने एकमात्र पार्टीे राप्रपा मात्र भएको उल्लेख गरेका थिए । प्रदेश सभाका उमेरद्धार भण्डारीले हाम्रो पार्टी जनताको दुःख र समस्यामा सदा जनतासगै हुने सुनाए ।
स्थानियले नेपालका ठुला पार्टीले जस्तो अधुरा सपना देखाई जनतालाई भ्रममा नपार्न र जनताको मतको कदर गरी देश बिकाशमा लाग्न भण्डारीलाई आग्रह गरे । पोखरा ३३ बागमारामा राप्रपाको वडा सम्पर्क कार्यलय उद्दघाटन गर्दै उम्मेदवार बिजय भण्डारीले जनताले चाहेको जस्तो विकास गर्ने बताएका छन । वडा बासीले भण्डारीले जितेमा मात्र विकास हुने बताएका थिए ।
प्रतिक्रिया लेख्नुहोस्:-