पोखरा । मिस सुनार विश्वकर्मा नेपालको ग्रान्ड फिनाले पर्सी अर्थात यही शनिबार कार्तिक ५ गते हुने भएको छ । पोखरा ९ नयाँबजार स्थित प्रर्दशनी केन्द्रमा शनिबार दिउँसो हुने ग्रान्ड फिनालेमा १६ जना फाइनलिस्टबीच मिस सुनारको ताजको लागि प्रतिष्पर्धा हुने भएको हो ।
यसअघि मिस सुनारको दुई ओटा इभेन्ट सफलता पूर्वक सम्पन्न गरेको आयोजक प्रतिक इभेन्टले यसपालीको संस्करणलाई अझै भव्य बनाउने भएको छ ।
यसपाली फिनालेमा गण्डकी प्रदेशका आन्तरिक मामिला मन्त्री डोबाटे विश्वकर्माको प्रमुख आतिथ्यता रहने इभेन्टका अध्यक्ष प्रतिक विश्वकर्माले पत्रकार सम्मेलनमा जानकारी दिए । फिनालेमा परिचय राउन्ड, प्रश्नउत्तर राउन्ड, अन्तिम चरण गरि बिजेता घोषणा गरिनेछ ।
मिस सुनारको ताज जित्ने ले स्कुटर, चाँदीको क्राउन, ट्रफी, म्युजिक भिडियो, प्रमाणपत्र प्राप्त गर्ने आयोजकले बताएको छ । त्यस्तै फस्ट रनरअपले ५० हजार ,चाँदीको क्राउन,ट्रफी, म्युजिक भिडियो, प्रमाणपत्र र सेकन्ड रनरअपले २५ हजार ,चाँदीको क्राउन, ट्रफि म्युजिक भिडियो, प्रमाणपत्र प्राप्त गर्नेछन् ।
विश्वकर्मा समुदायमा जातीय आत्मविश्वास बढाउन तथा प्रतिभा प्रस्फुटन गर्ने उद्धेश्यले विगतका वर्षहरुदेखि मिस सुनारको आयोजना गरिएको अध्यक्ष प्रतिकले बताए । उनले भने, ‘दलित समुदायका आजका जेनेरेसन पनि जातकै कारण आफुलाई अगाडि ल्याउन सकिरहेका छैनन, समाजमा रहेको जातीय विभेदविरुद्ध लड्ने आत्मविश्वास राख्दैनन् , हाम्रो इभेन्टले समाजमा एकै पटक ठुलो परिवर्तन ल्याउन नसक्ला तर त्यो दबिएको,आफुलाई तल्लो स्तरको सोच्ने सोचमा परिवर्तन र आत्मविश्वास बिल्डअप गर्न यो इभेन्टले सहयोग पुग्छ । ’
यस्तै इभेन्टका सल्लाकार रेम रसाइलीले आत्म सम्मान र आत्मप्रेरणा बढाउनको लागि यो इभेन्टले मद्दत पुग्ने आशा व्यक्त गरे । उनले भने, समाजमा आज पनि दलित प्रति हेयको भाव छ ,यो इभेन्टकै कारण देशव्यापी जातीय परिवर्तन आइहाल्छ भन्ने होइन, यो हाम्रो परिवर्तनको लागि सानो प्रयास हो ।, उनले थपे, यही इभेन्टबाट एक जनाको आत्मविश्वास , आत्मप्रेरणा बढ्यो भने पनि समाजसँग लड्नका लागि एउटा योद्धा जन्मिनु हाम्रो लागि सफलता हो । जसले दलित समुदायको प्रतिनिधित्व गर्नेछ ।’
कार्यक्रममा राष्ट्रिय तथा स्थानीय कलाकारको प्रस्तुती मुख्य आर्कषणको रुपमा रहेको छ ।चर्चित लोकदोहोरी गायक तथा सर्जक प्रकाश सपुत, समीक्षा अधिकारी, देवेन्द्र बब्लु, प्रता दास, मञ्जु वि।क , कविता नेपाली लगायतले आफ्नो प्रस्तुती दिनेछन ।
४० प्रतियोगिबाट विभिन्न चरणको प्रतियोगितामार्फत १६ प्रतिष्पर्धी फिनालेका लागि छानिएका हुन् । जसमा कास्की, बागलुङ, बेनी, पर्वत, पाल्पा, म्याग्दी ,तनहुँ लगायत जिल्लाबाट प्रतियोगिताबाट आवेदन परेको थियो ।
प्रतियोगिलाई पब्लिक स्पिकिङ, र्याम्प वाक, मोटिभेसन, सेल्फ डिफेन्स, टेबल म्यानर, आर।जे, भि।जेको ट्रेनिङ, फिल्ड भिजिट, ट्यालेन्ट राउन्ड, एन्टरपेनरसीप लगायतको तालिम दिइएको आयोजकले बतायो । त्यस्तै विश्वकर्मा समुदायले सञ्चालन गरेको नेपालकै पहिलो होमस्टे आँपस्वाँरा होमस्टे, तनहुँ लगिएको र विश्वकर्माको इतिहास र कलाको बारेमा पनि जानकारी दिइएको थियो ।
आयोजकको अनुसार फिनालेका लागि ५ जनाको निर्णायक टोली रहेको छ भने कार्यक्रमको कोरियो ग्राफर स्मिता सुनार हुन् । दिउँसो २ बजेदेखि सुरु हुने मिस सुनारको ग्रान्ड फिनाले हेर्नका लागि दर्शकलाई निशुल्क प्रवेशको व्यवस्था गरिएको छ ।
प्रतिक्रिया लेख्नुहोस्:-