स्याङ्जा । नेपाल प्रहरी, शसस्त्र प्रहरी र नेपाली सेनाले संयुक्त रुपमा विपद् व्यवस्थापन सम्बन्धि नमुना अभ्यास (सिमुलेसन) गरेको छ । नदिमा बगाएका, डुबेको शव निकाल्ने,बाढि पहिरोमा परेकालाई कसरी उद्दार गर्नेे लगायतका विषयमा उद्दारको तालिम गरिएको हो ।
तालिम स्याङ्जा र पाल्लपाको सिमानामा पर्ने कालीगण्डकी नदीमा सम्पन्न भएको हो । उक्त तालिममा बोल्दै गल्याङ्ग नगरपालिकाका मेयर भुपराज अधिकारीले अभ्यासलाई फराकिलो बनाएर वडा वडामा लैजानुपर्ने बताए ।
उनले विभिन्न जिल्ला र स्थानियतहमा विपद् व्यवस्थापन समिति रहेको र उनीहरुमा पनि विपद् व्यवस्थापनको तालिमको खाँचो रहेको धारणा राखे । शसस्त्र प्रहरी डिआइजी शम्भु थापाले सुरक्षा निकाले उद्दारको लागि सधै तयार रहेको तालिमले देखाएको बताए ।
उनले सुरक्षा निकायले आन्दोलनमा जनतालाई लागि चार्ज गर्ने मात्र नभएर जनताको दुखमा पनि साथमा रहेको देखिएको बताए । स्याङ्जाका प्रमुख जिल्ला अधिकारी राजु प्रसाद पौडेलको अध्यक्षतामा कार्याक्रम भएको थियो ।
प्रतिक्रिया लेख्नुहोस्:-