पोखरा । २७औं जनयुद्ध दिवशको अवशरमा पोखराको सहिद बिजय ढकाल स्मृति पार्कमा सहिद सन्ततिहरुको अन्तक्रिया कार्यक्रम सम्पन्न भयो । कार्यक्रममा सहभागी सम्पुर्ण सहिद तथा बेपता योद्धाका शन्ततिहरुले जनयुद्ध र जनयुद्धको जगमा भएको जनआन्दोलनबाटनै देशमा राजतन्त्र अन्त्य भएर गणतन्त्रको स्थापना सम्भव भएको धारणा ब्यत्त गर्नुभयो।जनयुद्धले ल्याएको ब्यवस्थामा ऎसआराम गर्ने तर जनयुद्धलाई स्वीकार नगर्ने प्रवृत्ति यथास्थिती,प्रतिगमनकारी र परिवर्तन बिरोधि प्रवृत्ति रहेको उहाहरुको ठम्याइ थियो।
कार्यक्रममा अनेरास्ववियु(क्रान्तिकारी) का केन्द्रीय सदस्य एंवम सहिद तथा बेपत्ता योद्धा सन्तति फाउन्डेसनका केन्द्रीय सदस्य सुजन सापकोटाले जनयुद्धका एजेन्डाको संस्थागत र बैज्ञानिक समाजवाद प्राप्तिका लागि माओवादिको फुट नभै जुट अपरिहार्य रहेकोले माओवादी एकता तथा धुर्बिकरण अभियान सन्चालन गर्ने कुरामा जोड दिनुभयो।
उहाँले ठूलो वहस,समिक्षा र आत्माआलोचनाको बिचबाट माओवादी एकता संभव हुने कुरा स्पष्ट पार्नुभयो।यस्तै अनेरास्ववियु (क्रान्तिकारी)का केन्द्रिय सदस्य एंवम बिप्लव नेतृत्वको नेकपा का कास्की जिल्ला सदस्य उपेन्द्र परियारले माओवादीहरुले जनयुद्धका लक्ष्य,उदेश्य र सहिदका सपना भुलेर आफ्नो ब्यत्तिगत स्वार्थमा भुलेकोले अब माओवादिलाका आचरणहरु गम्भीर रुपमा शुधार गर्दै क्रान्तिकारी धारमा केन्द्रित गर्नका लागि सहिद तथा बेपत्ता योद्धाका सन्ततिहरु सक्रिय हुनुपर्ने कुरामा जोड दिनुभयो। यसैगरी जनयुद्धलाई अपराधीकरण गर्नेहरु गणतन्त्र बिरोधि भएकाले,राजतन्त्र फर्काउने षड्यन्त्रमा लागेको आरोप लगाउनुभयो। कार्यक्रमले माओवादी एकता तथा धुर्बिकरण अभियान सन्चालन गर्ने प्रस्ताव सर्बसम्मत पारित गरेको छ।
प्रतिक्रिया लेख्नुहोस्:-