नेहा बानुले गोर्खा क्लासिक नेपाल प्रिजेन्ट वुमन पावर लिफ्टिङ च्याम्पियनसिप उचालेकी छिन् । उनले आफ्नो तौल भन्दा ५.७ गुणा बढि तौल उठाउँदै च्याम्पियन बन्न सफल भएकी हुन् ।
ओभरअलमा १४ प्रतिस्पर्धीलाई पछि पार्दै उपाधी चुमिन् । च्याम्पियनसंगै उनले नगद ८० हजार रुपैँया सहित बेल्ट समेत हात पारिन् । उनले समग्रमा ३ सय ४१ किलो तौल उचालेकी हुन् ।
८१ किलो ३ ग्रामकी शर्मिलाले कुल ३ सय ६५ किलो तौल उचालेपनि च्याम्पियन बन्न भने सकिनन् । पोखरा रंगशाला स्थित बहुउदेश्यीय कभर्डहलमा भएको च्याम्पियनसिपमा नेहाले ६० केजी तौल समुह मुनि दबदबा राखिन् ।
उनले ब्रेन्च प्रेसमा ७० किलो, स्क्वाटमा १ सय २८ किलो र डेडफिटमा १ सय ४३ किलोको तौल उचाल्दै विजेता बनिन् । पुनम तामाङले ब्रेन्च प्रेसमा ६० किलो, स्क्वाटमा १२३ किलो र डेडफिटमा १४० किलो गरी कुल ३२३ किलो तौल उठाउँदै दोस्रो बनिन् ।
ज्योती थापाले ब्रेन्चप्रेसमा ६५ किलो,स्क्वाटमा ११५ किला र डेडफिटमा १३८ किलो तौल उचाल्दै तेस्रो स्थानमा रहिन् । ६० किलो तौल समूहभन्दा माथिको प्रतिस्पर्धामा शर्मिला शाह प्रथम हुन पुगिन् ।
उनले बेन्चप्रेसमा ७० किलो, स्क्वाटमा १४७ र डेडफिटमा १४८ किलो सहित कुल ३६५ किलो तौल उठाइन् । यस्तै सिमा गुरुङले बेन्चप्रेसमा ६५ किलो, स्क्वाटमा १४३ र डेडफिटमा १५३ किलो तौल सहित समग्रमा ३६१ किलो तौल उठाउँदै दोस्रो स्थानमा रहिन् ।
कोमल थापाले बेन्च प्रेसमा ५० किलो, स्क्वाटमा १३८ किलो र डेडफिटमा १२० किलो तौल उठाउँदै तेस्रो स्थानमा रहिन् । दुबै तौलसमूहका प्रथम, द्धितीय र तृतीय हुनेले क्रमशः २५ हजार,१५ हजार र १० हजार रुपैँयाको साथमा ट्रफि र मेडल हात पारे ।
प्रतिक्रिया लेख्नुहोस्:-