पोखरा / प्रहरीले भारतबाट नेपाल ल्याउँदै गरेको अवैध मोबाइलका पाट्र्सहरु बरामद गरेको छ ।
आज विहान करिब ४ बजेर ३५ मिनेटको समयमा नवलपारासी सरावल गाउँपालिका ७ स्थित भन्सार टोलबाट ठूलो मात्रामा कर छलि गरि ल्याइएको सामान बरामद गरेको हो ।
लु ३ च २९३९ नम्बरको गाडीमा लोड गरिरहेको अवस्थामा प्रहरीले एक करोड १४४ लाख ८४ हजार रुपैयाँ बराबरको सामान बरामद गरेको जिल्ला प्रहरी कार्यालय परासी (नवलपरासी) का सूचना अधिकारी प्रहरी नायव उपरीक्षक मदन थापाले जानकारी दिए ।
उनका अनुसार एयर पोड्स सेतो एक हजार ७५५ थान, एयर पोड्स कालो ५३९ थान, टेम्पर ग्लास कालो ३९ हजार ८ सय थान, टेम्पर ग्लास सेतो चार हजार पाँच सय थान, मोबाइल कभर ९३० थान, एक बोरा प्लाष्टिक र पिकअप गाडी बरामद गरेको हो । उक्त सामान भन्सार कार्यालयमा बुझाइने उनको भनाइ छ ।
प्रतिक्रिया लेख्नुहोस्:-